اینکرپرسن آفتاب اقبال خیریت سے گھر پہنچ گئے ہیں۔
سوشل میڈیا پلیٹ فارم ایکس پر آفتاب اقبال کے اکاؤنٹ سے ان کی آفیشل ٹیم نے پیغام جاری کرتے ہوئے کہا ہے کہ بہت مشکل وقت گزرا لیکن اللہ کا شکر ہے کہ آفتاب اقبال خیریت سے گھر پہنچ گئے ہیں، ان کے لیے دعائیں کرنے پر سب کا شکریہ۔
Tough times, but Alhamdulillah, we are deeply
grateful to everyone who prayed. Aftab Iqbal
Sahib has safely returned home.
(Team Aftab Iqbal Offical).#AftabIqbal pic.twitter.com/xv282SkYbp— Aftab Iqbal (@Aftab_Iqbal1) December 23, 2024
دوسری جانب معروف قانون دان میاں علی اشفاق نے ایکس پر دعویٰ کیا ہے کہ وہ آفتاب اقبال اور ان کی فیملی کے لیے چند سالوں سے پیشہ ورانہ طور پر قانونی نمائندگی کے فرائض انجام دے رہے ہیں اور ریکارڈ پر رکھنے کے لیے واضح کررہے ہیں کہ اس وقت پاکستان بھر میں آفتاب اقبال کے خلاف کوئی مقدمہ درج نہیں ہے۔
آفتاب اقبال صاحب اور انکی فیملی کو چند سالوں سے پیشہ ورانہ طور پر قانونی نمائندگی کے فرائض سر انجام دے رھا ھوں اور ریکارڈ پر رکھنے کے لئے واضح کیا جارھا ھے کہ اس وقت پاکستان بھر میں انکے خلاف کوئی مقدمہ درج شد نہ ھے اور کسی بھی نو فلائی لسٹ میں انکا نام عدالتی مداخلت پر موجود نہ…
— Mian Ali Ashfaq (@MianAliAshfaq) December 23, 2024
انہوں نے کہا کہ اس کے باوجود کل رات انہیں دبئی ایئرپورٹ پر روکا گیا، وہ کچھ دیر پہلے گھر خیریت سے روانہ ہو چکے ہیں،مزید آفتاب اقبال خود آپ بیتی اب سے چند گھنٹے بعد بیان کریں گے-
یاد رہے کہ سینیئر اینکرپرسن آفتاب اقبال کی بیٹی عائشہ نور اقبال نے سوشل میڈیا پر اپنے پیغام میں بتایا تھا کہ ان کو والد آفتاب اقبال کو برطانیہ (یوکے) سے واپسی پر دبئی ایئرپورٹ پر گرفتار کیا گیا ہے۔
یہ بھی پڑھیں:اینکرپرسن آفتاب اقبال کا فیملی سے رابطہ منقطع، دبئی میں گرفتاری کی اطلاعات
عائشہ نور کے مطابق آفتاب اقبال اپنی زوجہ کے ہمراہ برطانیہ سے دبئی پہنچے تھے جہاں امیگریشن حکام انہیں اپنے ساتھ لے گئے۔ عائشہ نور نے کہا ’ میرے والد کو امیگریشن حکام کی جانب سے کلین چٹ مل چکی ہے لیکن انہوں نے مزید تفصیلات نہیں بتائیں کہ وہ کہاں ہیں اور کیسے ہیں، ہمارا ان سے رابطہ نہیں ہورہا۔‘
قبل ازیں آفتاب اقبال کے بھائی جنید اقبال نے بھی اپنے پیغام میں دعویٰ کیا تھا کہ دبئی ایئرپورٹ پر حراست میں لیے جانے کے بعد سے ان کے بڑے بھائی لاپتا ہیں۔
