قومی کرکٹ ٹیم کے بائیں ہاتھ سے بیٹنگ کرنے والے اوپننگ بلے باز صائم ایوب جن کو شائقین کرکٹ کی جانب سے بے حد سراہا جا رہا ہے ان کا ایک پرانا کلپ سوشل میڈیا پر وائرل ہو رہا ہے جس میں وہ کہتے ہیں کہ انہوں نے محنت کی ہے جس کا انہیں صلہ ملا ہے۔
یہ بھی پڑھیں: ’پاکستان کو دوسرا سعید انور مل گیا‘، شائقین صائم ایوب کا موازنہ سعید انور سے کیوں کر رہے ہیں؟
صائم ایوب انڈر 15 ورلڈ کپ میں بھی اپنی بیٹنگ کا جادہ جگا چکے ہیں ۔اس ٹورنامنٹ میں انہوں نے 5 میچز میں 250 رنز اسکور کیے تھے۔ جس کے بعد وہ نجی ٹی وی کے ایک پروگرام میں شریک ہوئے۔ پروگرام کی میزبان جویریہ سعود کھلاڑی صائم ایوب سے سوال کرتی ہیں کہ انہیں کون کون سے ایوارڈز ملے ہیں اور انہوں نے کتنے رنز بنائے تھے۔ جس پر صائم ایوب کہتے ہیں کہ انہوں نے 5 میچز میں 250 رنز بنائے تھے اور انہیں 4 ٹرافیز ملی ہیں جن میں 2 پلیئر آف دی میچ کے ایوارڈ تھے۔
واضح رہے کہ حال ہی میں ہونے والی جنوبی افریقہ کے ساتھ ون ڈے سیریز میں صائم ایوب نے سیریز کے دوران بیک ٹو بیک 2 سنچریاں بنائیں جبکہ آخری ون ڈے میں پلیئر آف دی میچ قرار پائے، جبکہ پلیئر آف دی سیریز کا ایوارڈ بھی ان کے نام رہا۔ غیر ملکی میڈیا نے 22 سالہ صائم ایوب کو ’رَن مشین‘ قرار دیا ہے۔
