پاکستان کی پہلی اے آئی ٹیچر مس عینی جنہیں مصنوعی ذہانت کی مدد سے تخلیق کیا گیا ہے مس عینی ایک روبوٹک ٹیچر ہیں جو بچوں کے سوالات کا بروقت جواب دیتی ہیں۔ وہ تمام مضامین میں مہارت رکھتی ہیں اور کراچی کے علاقے ابو الحسن اصفہانی میں واقع ہیپی پیلئس اسکول میں مونٹیسوری سے لے کر میٹرک تک کے طلبا و طالبات کو پڑھاتی ہیں۔
وائس پرنسپل ہیپی پیپلس اسکول صدف بھٹی کا کہنا ہے کہ عینی پانچ گھنٹے پڑھاتی ہے۔ ایسا سمجھنا درست نہیں ہے کہ اس کے آنے سے انسانوں کی نوکریوں پر اثر پڑے گا بلکہ ہم نے عینی کی دیکھ بھال کے لیے ایک نوکری مزید نکالی۔
