وزیر اعظم پاکستان محمد شہباز شریف نے کہا ہے کہ آج ہم شہید محترمہ بے نظیر بھٹو کی شہادت کی 17ویں برسی منا رہے ہیں۔ جمہوریت کی علمبردار، سیاسی عمل میں مکالمے اور مفاہمت کی مضبوط حامی، محترمہ بے نظیر بھٹو، ہمت اور استقامت کی علامت بنیں۔
بے نظیر بھٹو کی شہادت کی برسی کے موقع پر اپنے پیغام میں ان کا کہنا تھا کہ میثاق جمہوریت، جس پر بے نظیر بھٹو اور میاں نواز شریف کے درمیان دستخط ہوئے، ان کی پائیدار سیاسی سمجھ بوجھ کا ثبوت ہے۔
مزید پڑھیں: شہید بے نظیر بھٹو مکمل فنڈڈ اسکالرشپ پروگرام کیلیے کون، کیسے اپلائی کرسکتا ہے؟
انہوں نے کہا کہ میں ان کے خاندان، خاص طور پر صدر آصف علی زرداری اور چیئرمین بلاول بھٹو زرداری اور ان کے پیروکاروں کو دل کی گہرائیوں سے خراج تحسین پیش کرتا ہوں، جو فخر کے ساتھ ان کے وژن اور ان کے نظریات کو آگے بڑھا رہے ہیں۔
