بالی ووڈ کی مشہور اداکارہ ہمانی شیوپوری نے اپنی زندگی کے ایک مشکل مرحلے میں شاہ رخ خان سے ملنے والی مدد کا ذکر کرتے ہوئے ان کا شکریہ ادا کیا ہے۔
وہ اپنی مشہور فلم ’دل والے دلہنیا لے جائیں گے‘ پر بات کررہی تھیں اور ان کا کہنا تھا کہ اس فلم کی شوٹنگ ایسے وقت میں ہوئی جب وہ اپنے شوہر کو کھوچکی تھیں۔
انہوں نے کہا کہ اس وقت وہ اپنے بیٹے کا واحد سہارا تھیں اور اپنے شوہر کو کھونے کا انہیں بہت زیادہ دکھ تھا۔ ہما شیوپوری کے مطابق اس سب کے باوجود انہیں اپنی ذاتی اور پیشہ وارانہ زندگی کے بیچ توازن برقرار رکھنا تھا۔
اداکارہ نے اعتراف کیا کہ اس مشکل وقت میں شاہ رخ خان نے ان کی مدد کی اور انہیں حوصلہ دیا۔ ہما شیوپوری کے مطابق ’اس وقت شاہ رخ خان مجھے لطیفے سناتے اور ہلکی پھلکی گفتگو میں مصروف رکھتے تاکہ میں خود کو تنہا محسوس نہ کر سکوں‘۔
شاہ رخ خان کے علاوہ انہوں نے یش چوپڑا اور پامیلا چوپڑا کا بھی بطور خاص ذکر کرتے ہوئے کہا کہ ان لوگوں کی مدد اور حوصلہ افزائی کی وجہ سے وہ دکھ کے باوجود اپنے پیشہ وارانہ زندگی میں درکار توازن برقرار رکھ سکیں۔
