معروف اداکارہ یشما گل کی بہن عروبہ گل کی شادی کی تقریبات کا آغاز ہوگیا، ان کی سنگیت نائٹ کی ویڈیوز سوشل میڈیا پر وائرل ہو گئیں۔
وائرل ویڈیوز میں یشماگل، ہانیہ عامر، دنانیر مبین اور کومل میر سمیت دیگر اداکاراؤں کو مختلف گانوں پر ڈانس کرتے دیکھا جا سکتا ہے۔
View this post on Instagram
تقریب کی وائرل ہونے والی ویڈیوز میں ہانیہ عامر خوبصورت سلور اور نیلے رنگ کی چولی اور لہنگا زیب تن کیے ہوئے ہیں جبکہ دنانیر سبز رنگ کے کپڑوں میں ملبوس ہیں اور بھرپور ڈانس کر رہی ہیں۔
واضح رہے کہ یشما گل نے 2 جنوری کو اپنی بہن عروبہ کے نکاح اور شادی کی دوسری تقریبات کی ویڈیوز اور تصاویر انسٹاگرام پر شیئر کی تھیں۔ نکاح کی تقریب میں بھی اداکارہ یشما گل کے خاندان کے علاوہ شوبز انڈسٹری سے قریبی دوستوں نے شرکت کی۔
View this post on Instagram
عروبہ کے سنگیت کی تقریب میں کنزہ ہاشمی، ندا یاسر، صبور علی، علی انصاری، عمران اشرف، سونیا حسین، منشا پاشا، وجاہت رؤف اور بہت سے دوسرے بڑے پاکستان کے اسٹارز نے شرکت کی۔جنہوں نے تقریب کو چار چاند لگا دیے۔
شادی کی تقریب میں اداکاراؤں کی ڈانس ویڈیوز وائرل ہونے کے بعد سوشل میڈیا صارفین نے ان کی تعریفیں کیں، وہیں بعض افراد نے انہیں آڑے ہاتھوں بھی لیا اور ان کے ڈانس اور لباس کے انتخاب کو نامناسب قرار دیا۔
