صدر مملکت آصف علی زرداری اور وزیراعظم شہباز شریف نے لوئر کرم میں گاڑیوں کے قافلے پر فائرنگ کی شدید مذمت کی ہے۔ صدر مملکت نے کہا کہ شرپسند عناصر عوام کے دشمن، فساد پھیلانا چاہتے ہیں، عوام شر پسند عناصر کو مذموم مقاصد میں کامیاب نہ ہونے دیں۔ وزیراعظم نے کہا کہ امن معاہدے کو نقصان پہنچانے کی کوشش کی گئی، امن و امان میں خلل ڈالنے والوں اور انسانیت کے دشمنوں کو کامیاب ہونے نہیں دیں گے۔
شرپسند عناصر عوام کے دشمن، فساد پھیلانا چاہتے ہیں، صدر مملکت آصف علی زرداری
صدر مملکت آصف علی زرداری نے لوئر کرم میں گاڑیوں کے قافلے پر فائرنگ کی شدید مذمت کرتے ہوئے کہا ہے کہ کرم میں امن کی کوششوں کو نقصان پہنچانے والوں کے خلاف سخت کارروائی کی ضرورت ہے۔ شر پسند عناصر عوام کے دشمن اور فساد پھیلانا چاہتے ہیں۔ عوام شر پسند عناصر کو مذموم مقاصد میں کامیاب نہ ہونے دیں۔
امن معاہدے کو نقصان پہنچانے کی کوشش کی گئی، وزیراعظم محمد شہباز شریف
وزیراعظم محمد شہباز شریف نے لوئر کرم کے علاقے بگان میں سرکاری گاڑیوں کے قافلے پر فائرنگ کی شدید مذمت اور ڈپٹی کمشنر جاوید اللہ محسود سمیت زخمیوں کے لیے صحتیابی کی دعا بھی کی۔ ان کا کہنا تھا کہ امن معاہدے کو نقصان پہنچانے کی کوشش کی گئی ہے۔
وزیراعظم نے کہا کہ امن و امان میں خلل ڈالنے والوں اور انسانیت کے دشمنوں کو کامیاب ہونے نہیں دیں گے۔ حکومت اور سیکیورٹی فورسز دہشتگردوں کے خلاف سرگرم عمل ہے۔
