شاہ سلمان عالمی مرکز برائے عربی زبان کے زیر اہتمام ملائیشیا میں عربی زبان کے مہینے کی تقریبات کا انعقاد کیا جا رہا ہے۔ اس کا مقصد عربی زبان کی ترویج، تدریس اور سیکھنے والوں کی مہارتوں کو فروغ دینا ہے۔
تقریبات میں اساتذہ کے لیے دو تربیتی کورسز، علمی مذاکرے، ادبی نشستیں، اور سائنسی دوروں کا اہتمام کیا گیا ہے۔ مزید برآں، یوٹیوب چینل کے ذریعے عربی زبان کو عالمی سطح پر متعارف کروانے کا بھی انتظام کیا گیا ہے۔ عربی زبان کے طلبہ کے لیے مختلف مقابلوں اور ورکشاپس کے ذریعے زبان سیکھنے کے شوق کو بڑھایا جا رہا ہے۔
مزید پڑھیں: ملک میں عربی زبان کے فروغ کے لیے اہم سفارشات کیا ہیں؟
یہ اقدام سعودی وژن 2030 کے تحت عربی زبان کو عالمی سطح پر فروغ دینے کی کوششوں کا حصہ ہے۔ شاہ سلمان عالمی مرکز برائے عربی زبان اس مشن کو کامیاب بنانے میں پیش پیش ہے۔
