بھارتی ریاست چھتیس گڑھ میں ماؤ نواز باغیوں نے سیکیورٹی فورسز پر حملہ کیا ہے جس کے نتیجے میں 10 سیکیورٹی اہلکار ہلاک ہوگئے ہیں۔
غیرملکی میڈیا رپورٹس کے مطابق بھارتی ریاست چھتیس گڑھ کےضلع بیجاپور میں سیکیورٹی اہلکاروں کی گاڑی پر باغیوں نے بم حملہ کیا۔
یہ بھی پڑھیں بھارت کا پاکستان اور بنگلہ دیش سے ملنے والی سرحدوں پر مانیٹرنگ بڑھانے کا اعلان
رپورٹس میں کہا گیا ہے کہ ہلاک سیکیورٹی اہلکار نارائن پور، دانتے واڈا اور بیجاپور میں آپریشن کے بعدواپس آرہے تھے۔
اس سے قبل گزشتہ دنوں چھتیس گڑھ میں سیکیورٹی اہلکاروں اور ماؤ نواز باغیوں کے درمیان جھڑپیں جاری رہیں جس میں دونوں طرف سے لوگوں کی ہلاکتیں ہوئیں۔
واضح رہے کہ بھارت کی بہت سی ریاستیں مودی سرکار کی انتہا پسند پالیسیوں سے تنگ ہیں، بھارت میں آئے روز فالس فلیگ آپریشنز کی آڑ میں بے گناہ لوگ جان سے جاتے ہیں۔
یہ بھی پڑھیں منی پور، بھارتی پولیس کے ساتھ تصادم میں 10 کوکی باغی ہلاک، 1 اہلکار زخمی
چھتیس گڑھ میں ہونے والا حملہ بھی بھارت میں بگڑتی سیکیورٹی صورتحال کی جانب اشارہ کرتا ہے۔
