اسلام آباد کے تھانہ سہالہ کے ایس ایچ او کی تنزلی کرکے انہیں اے ایس آئی بنادیا گیا ہے۔
ترجمان اسلام آباد پولیس کے مطابق آئی جی اسلام آباد سید علی ناصر رضوی نے تمام زونز میں کرائم میٹنگز کی ہیں، ناقص کارکردگی پر ایس ایچ او سہالہ کی تنزلی کرکے اے ایس آئی بنا دیا، انچارج انوسٹی گیشن کورال کی کمزور کارکردگی پر پولیس لائن بلا لیا گیا۔
یہ بھی پڑھیں: شہریوں کے لیے بڑا ریلیف، اسلام آباد پولیس کی مصالحتی کمیٹیاں ازسرنو فعال
کمزور کارکردگی پر ڈی ایس پی انوسٹی گیشن سواں زون سے وضاحت طلب، ایس ڈی پی او کورال سے کمزور کارکردگی پر وضاحت طلب کی گئی ہے۔
آئی جی اسلام آباد سید علی ناصر رضوی کی تمام زونز میں کرائم میٹنگز۔
ناقص کارکردگی پر ایس ایچ او سہالہ کی تنزلی کرکے اے ایس آئی بنا دیا گیا۔
انچارج انوسٹی گیشن کورال کمزور کارکردگی پر پولیس لائن کلوز۔
ڈی ایس پی انوسٹی گیشن سواں زون سے وضاحت طلب۔
ایس ڈی پی او کورال سے کمزور…
— Islamabad Police (@ICT_Police) January 16, 2025
دوسری جانب آئی جی اسلام آباد نے اچھی کارکردگی پر ایس ایچ او ہمک اور انچارج انوسٹی گیشن ہمک کو تعریفی سرٹیفکیٹ اور ایک ایک لاکھ روپے انعام بھی دیا ہے۔
یہ بھی پڑھیں: شہری سے رشوت لینے پر اسلام آباد پولیس کا اہلکار نوکری سے برخاست
آئی جی اسلام آباد سید علی ناصر رضوی نے پولیس افسران کو ہدایت جاری کی ہے کہ ضلع بھر کے افسران خدمت خلق کے جذبے سے کرائم کنٹرول کریں، جو افسران اچھی کارکردگی دکھائیں گے انہیں انعامات سے نوازا جائے گا، جن کی کارکردگی اچھی نہیں ہوگی ان کو سزائیں دی جائیں گی۔
