وزیراعظم شہباز شریف کی قومی اسمبلی میں شرکت کے دوران ایوان میں شدید ہنگامہ دیکھنے کو آیا۔ اپوزیشن اور حکومت کے اراکین نے ایک دوسرے کے خلاف شدید نعرے بازی کی۔ جہاں اپوزیشن نے احتجاجاً ایجنڈے کی کاپیاں پھاڑ کر ایوان میں پھینک دیں وہیں اپوزیشن لیڈر قومی اسمبلی عمر ایوب نے آئین پاکستان کی کتاب کو میز پر پٹخنا شروع کر دیا۔
عمر ایوب کی ویڈیو سوشل میڈیا پر وائرل ہوئی تو صارفین کی جانب سے ان پر خوب تنقید کی گئی۔ ایک صارف نے ویڈیو پر تبصرہ کرتے ہوئے لکھا کہ اس میں حیرت کی کوئی بات نہیں ہے عمر ایوب کے دادا نے بھی آئین پاکستان کی ایسے ہی توہین کی تھی جس کے بعد پاکستان واپس کبھی سنبھل نہیں سکا۔
عمر ایوب نے آئین پاکستان کی کتاب کو پٹخنا شروع کر دیا ویسے حیرت کی بات نہی اس کے دادا نے اینکر منصور کے نانا جنرل موسی کے ساتھ مل کر پاکستان کے آئین کو ایسے ہی لتاڑا تھا اور پھر پاکستان کبھی واپس سنبھل نا سکے
سانپ کے بچے سنپولیے ہی ہوتے ہیں pic.twitter.com/mMsr0TZbhG— RAShahzaddk (@RShahzaddk) January 21, 2025
عدیل نامی صارف نے لکھا کہ عمر ایوب اپنے دادا کے نقش قدم پر چلتے ہوئے آئینِ پاکستان کو پٹخ پٹخ کر دلی جذبات کا اظہار کر رہے ہیں۔
دادا پر پوتا۔۔۔ تھوڑا نہیں زیادہ
عمر ایوب اپنے دادا کے نقش قدم پر چلتے ہوئے آئینِ پاکستان کو پٹخ پٹخ کر دلی جذبات کا اظہار کر رہے ہیں ۔۔۔ pic.twitter.com/0vMwzWG9o2— Adeel (@AdeelAliKhan313) January 21, 2025
مسلم لیگ ن نامی ایک پیج کی جانب سے کہا گیا کہ کیا یہ محض سیاست کا حصہ ہے یا آئین کے تقدس کو پامال کرنے کی کوشش؟ عمر ایوب کے دادا بھی آئین کی توہین کرتے رہے ہیں، انہوں نے سوال کیا کہ کیا یہ ایک نسل در نسل روایت بن چکی ہے۔
عمر ایوب کا آئین پاکستان کی کتاب کے ساتھ انوکھا احتجاج، کیا یہ محض سیاست کا حصہ ہے یا آئین کے تقدس کو پامال کرنے کی کوشش؟ ان کے دادا بھی آئین کی توہین کرتے رہے ہیں، کیا یہ ایک نسل در نسل روایت بن چکی ہے pic.twitter.com/zxoJthbpVd
— PML-N Team (@PMLNTeamPK) January 21, 2025
سمرین یوسف نے لکھا کہ اگر یہ حکومت میں ہوں تو سب ٹھیک ہے اگر نہ ہوں تو فسادی بنے رہتے ہیں۔
گھٹیا لوگ
حکومت میں ہوں تو سب ٹھیک
اگر نہ ہوں تو فسادی بنے رهتے— samreen yousaf (@TwinkleTwi5399) January 21, 2025
