معروف ٹی وی اینکر اور اداکار فخر عالم کے گھر ڈکیتی کی واردات

جمعرات 30 جنوری 2025
icon-facebook icon-twitter icon-whatsapp

وائس چیئرمین ڈی پی ورلڈ پاک، پائلٹ، پرفارمنگ آرٹسٹ، ایوارڈ یافتہ اداکار، ٹی وی ہوسٹ اور اینکر پرسن فخرِ عالم کے گھر ڈکیتی کی وارداد ہوئی جس پر اداکار و ٹی وی ہوسٹ نے امید ظاہر کی ہے کہ مجرموں کو پکڑ لیا جائے گا۔

جمعرات کو سماجی رابطے کی ویب سائٹ ایکس پر اپنی ایک پوسٹ میں فخر عالم نے لکھا کہ ’کراچی میں میرے گھر پر ڈاکہ ڈالا گیا ہے اور پولیس موقع پرپہنچ گئی ہے اور تحقیقات جاری ہیں۔

انہوں نے لکھا کہ انتہائی پریشان کن بات ہے، مجھے امید ہے کہ مجرموں کو پکڑ لیا جائے گا، ان کا کہنا ہے کہ ’چیزیں میرے لیے کوئی معنی نہیں رکھتیں لیکن ذہنی سکون انمول ہے‘۔ میرا اصل اور حقیقی نقصان ذہنی سکون ہے۔

انہوں نے ایکس پر اپنے پیغام میں لوگوں سے محتاط رہنے کی بھی اپیل کی، فخرعالم کا شمار پاکستان کے نامور آرٹسٹ اور ایوارڈ یافتہ اداکاروں میں ہوتاہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp