امریکی شہر فلیڈیلفیا میں ایک چھوٹے جہاز کو حادثہ پیش آیا ہے جس کی وجہ سے متعدد ہلاکتیں ہوئی ہیں۔
فلیڈیلفیا میں حادثے کا شکار ہونے والی اس ایئر ایمبولنس میں مریض بچے سمیت 6 افراد سوار تھے۔
امریکی صدر ڈونلڈ ٹرمپ نے ٹویٹ کرتے ہوئے کہا کہ حادثے میں مزید بے گناہ جانیں چلی گئی ہیں۔
تاہم اس حادثے میں اموات کی درست تعداد ابھی سامنے نہیں آئی ہے۔
یہ بھی پڑھیے: امریکی مسافر طیارے اور فوجی ہیلی کاپٹر میں تصادم، تمام 67 افراد ہلاک
ایئر ایمبولنس کی کمپنی نے کہا ہے کہ ہم حادثے میں کسی کے بچ جانے کا دعویٰ نہیں کرسکتے۔
میڈیا رپورٹس کے مطابق جہاز ایک رہائشی علاقے میں گر کر تباہ ہوا جس کی وجہ سے کچھ گھروں اور گاڑیوں کو بھی نقصان پہنچا ہے اور لوگوں کے زخمی ہونے کی بھی اطلاعات ہیں۔
یہ حادثہ امریکی دارالحکومت واشنگٹن ڈی سی میں مسافر طیارے اور ہیلی کاپٹر میں تصادم کے چند دن بعد ہی پیش آیا ہے۔ واشنگٹن ڈی سی میں مسافر طیارے اور فوج کے بلیک ہاک ہیلی کاپٹر میں دوران پرواز ہونے والے تصادم میں 67 افراد جاں بحق ہوئے تھے۔
