قومی ٹیم کے نوجوان آل راؤنڈر محمد وسیم جونئیر شادی کے بندھن میں بندھ گئے جس کی تصاویر سوشل میڈیا پر وائرل ہوگئیں۔
فوٹو اینڈ ویڈیو شیئرنگ پلیٹ فارم انسٹا گرام پر کھلاڑی نے اپنی مہندی کی خوبصورت تصاویر شیئر کی ہیں۔ مختلف سوشل میڈیا پیجز پر وائرل ہونے والی تصاویر اور ویڈیوز سے معلوم ہوتا ہے کہ کھلاڑی کی دلہنیا کا نام اسماء ہے۔
View this post on Instagram
مہندی کی تقریب کا انعقاد اسلام آباد میں ہوا، جس میں ان کے اہلِ خانہ سمیت قریبی عزیز و اقارب نے شرکت کی۔ شاہنواز دھانی اور دیگر کھلاڑیوں نے انہیں شادی کی مبارکباد دی اور نیک تمناؤں کا اظہار کیا۔
Congratulations! on tying the knot my brother @Wasim_Jnr. May Allah bring lot of joy and Happiness in your life.#wedding #wasimjunior. pic.twitter.com/RPsaJ4uIUq
— Shahnawaz Dahani (@ShahnawazDahani) February 2, 2025
واضح رہے کہ گزشتہ برس جون میں کرکٹر نے اہلیہ کے ہمراہ عمرہ کرتے ہوئے نکاح کا اعلان کیا تھا۔
View this post on Instagram
محمد وسیم جونیئر تینوں فارمیٹ میں پاکستان کی نمائندگی کر چکے ہیں۔ 2021 میں ٹی 20 میچ کے دوران ویسٹ انڈیز کے خلاف انہوں نے اپنے پہلے ہی میچ میں کرس گیل کی وکٹ حاصل کی تھی۔
محمد وسیم جونیئر نے 29 ٹی20 میچز میں 36 وکٹیں حاصل کی ہیں اور 20 ایک روزہ میچز میں 34 وکٹیں حاصل کی ہیں۔
