پاکستان کرکٹ بورڈ (پی سی بی) نے سابق کپتانوں انضمام الحق اور مصباح الحق کو باضابطہ طور پر ہال آف فیم میں شامل کرلیا۔
انضمام الحق اور مصباح الحق کو کرکٹ کے لیے ان کی شاندار خدمات کے اعتراف کے طور پر پی سی بی ہال آف فیم میں شامل کیا گیا ہے۔
Legends meet glory! 🌟
Inzamam-ul-Haq & Misbah-ul-Haq officially inducted into the PCB Hall of Fame 🎖️
Honoured by PCB Chairman Mohsin Naqvi 🧢 alongside the grand ICC Champions Trophy 2025 🏆
True icons of Pakistan cricket 🇵🇰
📷: PCB
#HallOfFame #CricketLegends #Champions… pic.twitter.com/lNEyyLcoRL
— SportsTiger (@The_SportsTiger) February 8, 2025
قذافی اسٹیڈیم میں پاکستان اور نیوزی لینڈ کے درمیان سہ ملکی ون ڈے سیریز کے پہلے میچ کے دوران پی سی بی کے چیئرمین محسن نقوی نے دونوں لیجنڈ کرکٹرز کو یادگاری کیپ اور شیلڈز پیش کیں۔
انضمام اور مصباح دونوں نے یادگاری کیپ پہن کر فخریہ انداز میں اسٹیڈیم کے گرد چہل قدمی کی، جس پُرجوش تماشائیوں نے زوردار تالیوں کے ساتھ اپنے جذبات کا اظہار کیا،
واضح رہے کہ سعید انور اور مشتاق احمد کے ساتھ انضمام اور مصباح 2024 کے پی سی بی ہال آف فیم کلاس کا حصہ تھے، تاہم اب انہیں باضابطہ طور پر اس فہرست میں شامل کیا گیا ہے۔
ہال فیم میں کون کون شامل ہے
کرکٹ ہیروز کی کامیابیوں کا جشن منانے کے لیے قائم کیے گئے پی سی بی ہال آف فیم میں عبدالقادر، اے ایچ کاردار، فضل محمود، حنیف محمد، عمران خان، جاوید میانداد، وسیم اکرم، وقار یونس، یونس خان اور ظہیر عباس جیسے لیجنڈز شامل ہیں۔
ہال آف فیم میں شامل کیے جانے پر انضمام الحق پی سی بی کا شکریہ ادا کرتے ہوئے کہا ہے کہ میں پی سی بی ہال آف فیم میں شامل ہونے پر بہت فخر محسوس کر رہا ہوں۔ میں اپنی نسل اور مجھ سے پہلے کے قابل ذکر کرکٹرز کے گروپ میں شامل ہوں۔
اس حوالے سے مصباح الحق کا کہنا تھا کہ پی سی بی کے ہال آف فیم میں شامل ہونا میرے لیے اعزاز ہے۔
