پاکستان تحریک انصاف پنجاب کے صوبائی انتخابات کے لیے اپنے امیدواروں کے ناموں کا اعلان جمعرات کو کرے گی۔
پارٹی ذرائع کا کہنا ہے کہ اس امیدواروں کی مکمل فہرست پاکستان تحریک انصاف کی آفیشل ویب سائٹ www.insaf.pk پر جمعرات کی صبح اپلوڈ کر دی جائے گی۔
امیدواروں کی اپیلوں کی شنوائی کے لیے 4 رکنی مفاہمتی کمیٹی بھی تشکیل دے دی گئی ہے۔ اس حوالے سے پاکستان تحریک انصاف کے سیکریٹری جنرل اسد عمر نے کمٹیوں کا اعلان بھی کیا ہے جس کی رو سے ریٹائرڈ بریگیڈیئر مصدق عباسی نارتھ پنجاب کی کمیٹی کے سربراہ ہوں گے جبکہ اعجاز احمد چوہدری، رائے حسن نواز اور عون عباس بپی بالترتیب سینٹرل، ویسٹ اور ساؤتھ پنجاب کی کیمیٹیوں کے سربراہ ہوں گے۔
یہ کمیٹی سربراہان اپنی معاونت کے لیے اپنی متعلقہ کمیٹیوں کے لیے اراکین کا انتخاب خو کریں گے۔
