افغانستان کی کرکٹ ٹیم چیمپیئنز ٹرافی 2025 میں شرکت کے لیے لاہور پہنچ گئی ہے جہاں ایئرپورٹ پر گلدستے پیش کرکے افغان کھلاڑیوں کا استقبال کیا گیا۔
پاکستان کی میزبانی میں ہونے والی چیمپیئنز ٹرافی کے میچز 19 فروری تا 9 مارچ پاکستان اور دبئی میں کھیلے جائیں گے جس میں 8 ممالک کی ٹیمیں حصہ لے رہی ہیں۔
یہ بھی پڑھیے:آئی سی سی چیمپیئنز ٹرافی کے لیے افغانستان کے قومی اسکواڈ کا اعلان
افغانستان کی کرکٹ ٹیم کی یہ چیمپیئنز ٹرافی میں پہلی شرکت ہے اور ایونٹ میں افغان ٹیم کی قیادت حشمت اللہ شاہدی کررہے ہیں۔
افغانستان کی کرکٹ ٹیم آئی سی سی چیمپئنز ٹرافی میں حصہ لینے کے لیے لاہور پہنچ گئی۔ pic.twitter.com/NL1OiO5SJs
— WE News (@WENewsPk) February 12, 2025
افغانستان کی ٹیم اس ایونٹ میں اپنا پہلا میچ 21 فروری کو نیشنل اسٹیڈیم کراچی میں جنوبی افریقہ کے خلاف کھیلے گی، افغانستان کا دوسرا میچ 26 فروری کو لاہور میں انگلینڈ کے خلاف جبکہ تیسرا میچ 28 فروری کو لاہور میں آسٹریلیا کے خلاف ہوگا۔
افغان ٹیم کل سے لاہور میں اپنی ٹریننگ کا باقاعدہ آغاز بھی کرے گی۔
