مقبول اداکارہ ہانیہ عامر کو برطانوی پارلیمنٹ کی جانب سے ایوارڈ سے نواز دیا گیا۔
ہانیہ عامر کو ایوارڈ دینے کی تقریب پاکستانی نژاد رکن پارلیمنٹ افضل خان نے منعقد کی، تقریب میں برطانیہ میں تعینات پاکستانی ہائی کمشنر سمیت دیگر ارکان پارلیمنٹ نے بھی شرکت کی۔
تقریب کے دوران برطانوی ارکان پارلیمنٹ نے ہانیہ عامر سے ملاقات بھی کی اور ساتھ ہی انہیں بتایا کہ وہ ان کے بڑے مداح ہیں۔
سوشل میڈیا پر مختلف ویڈیوز وائرل ہیں، جن میں اداکارہ نے ایوارڈ ملنے پر خوشی اور فخر کا اظہار کیا ہے۔
View this post on Instagram
ان کا کہنا تھا کہ یہ ان کے لیے قابلِ فخر ہے کہ وہ پاکستانی کمیونٹی کی نمائندگی کر رہی ہیں، یہاں آنا ان کے لیے باعث فخر ہے، اداکارہ نے مزید کہا کہ انہیں امید ہے کہ ایسے ہی باہمی تعاون سے کام کر کے پاکستان کا نام روشن کرتی رہیں گی۔
واضح رہے کہ یہ پہلا موقع نہیں ہے جب کسی پاکستانی کو اس ایوارڈ سے نوازا گیا ہو بلکہ فروری 2025 میں سینئر اداکارہ بشریٰ انصاری، نومبر 2024 میں ماہرہ خان جبکہ دسمبر 2024 میں فہد مصطفیٰ کو ایوارڈز سے نوازا گیا تھا۔
