کینیڈا میں مقیم ایک پاکستانی امیگرنٹ کی ایک سادہ سی مہربانی نے ایک بھارتی نوجوان کی زندگی بدل دی اور لاکھوں دلوں کو چھو لیا۔
حمزہ عزیز، پروفیشنل نرس اور انفلوئنسر ہیں، انہوں نے حال ہی میں انسٹاگرام پر بھارتی ڈلیوری بوائے نوینت کی کہانی شیئر کی۔ نونیت دوسرے ڈلیوری بوائز کے برعکس غلط آرڈر کو درست کرنے کے لیے ریستوران واپس جانے پر تیار تھا- اس چھوٹی سی معنی خیز حرکت نے حمزہ عزیز سے 100 کینیڈیائی ڈالر (قریباً 19ہزار 917 روپے) کی ٹپ حاصل کی۔
View this post on Instagram
حمزہ عزیز نے نونیت کی کہانی میں دلچسپی ظاہر کی اور پوچھا کہ اسے کیا چیز متحرک کرتی ہے۔ بھارتی نوجوان نے اپنی مشکلات کے بارے میں بات کی، خاندان سے دور گزارے گئے ماہ و سال اور اپنے خواب یعنی کینیڈا میں باربر شاپ کھولنے کا بتایا۔
انسٹاگرام ویڈیو تیزی سے وائرل ہوگئی اور اس نے 4 کروڑ سے زیادہ ویوز حاصل کیے۔ مگر یہ ویڈیو نوینت کی زندگی میں حقیقی تبدیلی لائی۔ ایک کاروباری شخص نے اس کی باربر اسکول کی تعلیم کے اخراجات برداشت کرنے کی پیشکش کی۔ اس کے علاوہ، ایک گو فنڈ می کیمپین بھی شروع کی گئی، جس کی مدد سے نونیت کے لیے پیشہ ورانہ ہیر کٹنگ ٹولز خریدے گئے۔
View this post on Instagram
باربر شاپ کھلنے کے بعد نونیت نے اپنے محسن حمزہ عزیز کو ہیئر کٹ کے لیے مدعو کیا۔ اس دوران ان کی گفتگو ہوئی جس میں اس نے اپنے خاندان کو یاد کیا اور بتایا کہ اس کا پکا ارادہ تھا کہ وہ انہیں فخر محسوس کرائے گا۔ حمزہ عزیز نے ویڈیو کیپشن میں لکھا کہ نوینت کا سفر یاددہانی ہے کہ جب آپ اپنے جذبے کا پیچھا کرتے ہیں، تو کچھ بھی ممکن ہے۔
