پاک آذربائیجان قربتیں بڑھنے لگیں، مزید اہم معاہدے متوقع

آذربائیجان کی جانب سے پاکستان میں 2 ارب ڈالرز کی سرمایہ کاری منصوبوں پر غور آخری مراحل میں داخل ہوگیا۔

سفارتی ذرائع کے مطابق آذربائیجان کے صدر الہام علئیوو رواں ماہ پاکستان کا اہم دورہ کر رہے ہیں جس کی تیاریاں مکمل کی جا رہی ہیں۔

آذربائیجانی صدر 26 , 27 اپریل کو اسلام آباد میں موجود ہوں گے۔ تاہم ان سے پہلے آذربائیجان کے سینیئر وزیر اسلام آباد پہنچیں گے۔

ذرائع کا کہنا ہے کہ آذربائیجان کے وزیر اقتصادیات و سرمایہ کاری میکائیل جباروو کی آئندہ جمعرات 8 اپریل کو اسلام آباد آمد متوقع ہے۔

میکائیل جباروو دورہ پاکستان میں نائب وزیر اعظم و وزیر خارجہ اسحاق ڈار سے ملاقات کریں گے۔

آذربائیجانی صدرن کے دورے میں دونوں ممالک کے مابین موٹرویز ایم 6، ایم 6، انفرااسٹرکچر اور پیٹرولیم کے شعبوں میں اہم معاہدے متوقع ہیں۔

ذرائع نے بتایا کہ آذربائیجانی فضائیہ پاکستان سے جے ایف 17 بلاک 3 لڑاکا طیاروں کی بھی خریدار ہے۔

دونوں ممالک میں روابط کے فروغ، ٹرانسپورٹ، توانائی، دفاعی پیداوار اور صنعتی شعبے میں بھی تعاون کے فروغ کو حتمی شکل دی جا رہی ہے۔

وزہر اعظم آذربائیجان کے ساتھ ہونے والے معاہدوں کی ذاتی طور پر نگرانی کریں گے۔

دونوں ممالک میں اسٹریٹیجک تعاون کے فروغ میں میں اضافہ کیا جائے گا۔

گزشتہ چند برسوں میں دونوں ممالک میں اعلی سطح دوروں میں اضافہ ہوا ہے۔

وزیر اعظم شہباز شریف نے رواں برس فروری میں باکو کا اہم دورہ کیا تھا جبکہ آزربائیجانی صدر الہام علئیوو بھی گزشتہ برس اسلام آباد آئے تھے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں