چین کے رئیل اسٹیٹ گروپ ایور گرانڈے کو تقریباً 45.1 ارب ڈالر کے مشترکہ دعوؤں کے ساتھ 1317 مقدمات کا سامنا ہے۔
ویب سائٹ نکی ایشیا نے کمپنی ایور گرانڈے کے ایک بیان کا حوالہ دیا جس میں اس نے4.3 ملین ڈالر سے زیادہ کے دعوؤں کے ساتھ زیر التواء قانونی چارہ جوئی کا انکشاف کیا۔
300 ارب ڈالر کے قرضوں کے ساتھ ایور گرانڈے گروپ دنیا کا سب سے زیادہ مقروض پراپرٹی ڈویلپر ہے اور یہ قرضوں کے بحران کا مرکز رہا ہے جس نے گزشتہ سال کے دوران متعدد چینی ڈویلپرز کو ڈیفالٹ کروایا ہے۔
مارچ کے آخر تک کمپنی نے مقامی ملحقہ اداروں کے اثاثے منجمد کرنے کے 154 واقعات کی اطلاع دی۔ سنہ 2020 میں چین کی جانب سے پراپرٹی سیکٹر کے خلاف کریک ڈاؤن شروع ہونے کے بعد ایورگرانڈے نے ڈگمگانا شروع کیا۔
اس ماہ کے شروع میں کمپنی نے اپنے آف شور قرض کے لیے تنظیم نو کے منصوبے کا اعلان کیا۔ گروپ نے کہا کہ کلاس اے قرضوں کے 77 فیصد اور کلاس سی قرضوں کے 30 فیصد ہولڈرز نے دیگر کے علاوہ تنظیم نو کی تجویز کے لیے اپنی متعلقہ حمایت جمع کرائی ہے۔
