انسداد دہشتگردی عدالت نے عمران خان حملہ کیس کے مرکزی ملزم کو 2 دفعات کے تحت عمر قید اور جرمانے کی سزا سنا دی ہے۔
یہ بھی پڑھیں: عمران خان حملہ کیس ، نامزد ملزم کی ضمانت منظور
انسداد دہشتگری عدالت گوجرانولہ کے جج نعیم سلیم نے بانی پی ٹی آئی حملہ کیس کا فیصلہ سناتے ہوئے ملزم نوید کو قتل اور انسداد دہشتگردی کی دفعہ 7 کے تحت دو بار عمر قید اور 10 لاکھ روپے جرمانہ جبکہ دیگر دفعات میں مجموعی طور پر 95 سال قید اور 22 لاکھ روپے جرمانے کی سزا سنادی ہے
یہ بھی پڑھیں: وزیرآباد حملہ کیس: عدالت نے عمران خان کی بطور گواہ عدم پیشی کو دانستہ قرار دیدیا
عدالت نے شک کا فائدہ دیتے ہوئے ملزم وقاص اور طیب بٹ کو بری کردیا ہے۔
یاد رہے کہ 3 نومبر 2022 کو وزیرآباد کے اللہ والا چوک میں بانی پی ٹی آئی کے کنٹینر پر فائرنگ کے نتیجے میں بانی سمیت7 افراد زخمی جبکہ 1 پی ٹی آئی کارکن جابحق ہوگیا تھا۔
