بھارتی انتہا پسندوں کی جانب سے لندن میں پاکستانی ہائی کمیشن پر دھاوا بول دیا گیا ،جس کے بعد لندن پولیس نے 2 بھارتی مظاہرین کو گرفتارکیا ہے جبکہ دیگر کی تلاش جاری ہے۔
🚨🚨Pakistan High Commission London attacked a day after hundreds of Indians staged protest outside the building and 2 protestors were arrested for the violence. The attack resulted in damage to the property in the form of broken window glasses. Video pic.twitter.com/PgAzTE5Xek
— Murtaza Ali Shah (@MurtazaViews) April 27, 2025
صحافی مرتضیٰ علی شاہ کے مطابق سینکڑوں بھارتی انتہاپسندوں نے برطانیہ کے دارالحکومت لندن میں واقع پاکستانی ہائی کمیشن کے شیشے توڑ دیے، عمارت پر رنگ پھینکا اور ہنگامہ آرائی کی۔
لندن پولیس نے ہنگامہ آرائی کرنے والے 2 بھارتی شہریوں کو گرفتار کیا ہے جبکہ دیگر ملزمان کی تلاش شروع کردی ہے اور ساتھ ہی واقعے کی تحقیقات کا آغاز کردیا ہے۔
گزشتہ روز بھی لندن میں بھارت کے انتہاپسند مظاہرین کی پاکستانی ہائی کمیشن کی طرف بڑھنے کی کوشش ناکام بنادی گئی تھی اور لندن پولیس نے 4 مظاہرین گرفتار کرلیے تھے۔
یہ بھی پڑھیں: پہلگام فالس فلیگ واقعہ، ایف آئی آر نے مودی حکومت کا جھوٹ بے نقاب کر دیا
مقبوضہ کشمیر کے علاقے پہلگام میں سیاحوں پر حملے کے بعد بھارت نے بغیر شواہد کے پاکستان پر الزامات عائد کردیے تھے جنہیں پاکستان نے مسترد کردیا۔ اس واقعے کے بعد دونوں ممالک کے مابین کشیدگی بڑھ چکی ہے اور بھارت نے یک طرفہ طور پر سندھ طاس معاہدہ بھی معطل کیا۔
