پاکستانی اداکار عدنان صدیقی اور اعجاز اسلم کے مداح انہیں پہچان نہیں پائے، دونوں اداکاروں کے نام بھی غلط لیے، مداحوں کی ویڈیو سوشل میڈیا پر وائرل ہو گئی۔
اداکار، پروڈیوسر اور ماڈل عدنان صدیقی ہالی ووڈ اور بالی ووڈ میں بھی اداکاری کر چکے ہیں۔ ان کا اپنا ایک پروڈکشن ہاؤس بھی ہے۔
وہ اب تک پاکستانی ٹی وی ڈراموں اور کمرشلز میں بھی کام کر چکے ہیں۔
حال ہی میں اداکار نے سوشل میڈیا پرمداح کے ہمراہ ایک ویڈیو شیئر کی۔انہوں نے ویڈیو میں موجود آدمی سے پوچھا کہ آپ نے میرا کیا نام لیا تھا ؟
آدمی مسکراتے ہوئے بڑے ہی اطمینان سے جواب دیتا ہے اعجاز بھائی۔
عدنان صدیقی آدمی کا جواب سن کر مسکراتے ہیں اورکہتے ہیں کہ دیکھو بھائی میں تمہیں صرف یہ بتانا چاہ رہا ہوں کہ مجھے افسوس اس بات کا ہے کہ تم میرا نام نہیں جانتے مگر خوشی اس بات کی ہے کہ تم اعجاز کو بھی نہیں جانتے۔
اداکار مداح سے کہتے ہیں کہ میرا نام ہجے کرو کہو ع،د۔۔۔۔مداح ع،د کہتا ہے اور شرماتے ہوئے پھر غلطی سے کہہ دیتا ہے ارے اعجاز بھائی۔
عدنان صدیقی آدمی کے منہ سے اعجاز بھائی سنتے ہیں تو کہتے ہیں کہ ارے یار! پھر اعجاز بھائی۔
دوسری جانب پاکستانی ٹیلی ویژن اداکار، پروڈیوسر اعجاز اسلم نے بھی مداح کے ہمراہ ویڈیو شیئر کی۔ اعجاز اسلم ویڈیو میں موجود شخص سے کہتے ہیں کہ جی! آپ میرا نام لے کر کیا کہہ رہے تھے؟ آدمی مسکراتے ہوئے چہرے کے ساتھ کہتا ہے کہ عدنان صدیقی نام ہے آپ کا، میں نے بہت ٹی وی میں آپ کو دیکھا ہےاور ہر ڈرامہ بہت شوق سے دیکھتا تھا۔ اسی لیے آج آپ کو پہلی دفعہ سامنے دیکھ کر بہت خوشی ہوئی ہے۔
اعجاز اسلم اداکار عدنان صدیقی کو مخاطب کرتے ہوئے کہتے ہیں کہ سن لو بھائی جواب مل گیا؟
View this post on Instagram
سوشل میڈیا پر ویڈیو دیکھنے کے بعد لوگوں نے مختلف طرح کے ردعمل کا اظہار کیا۔
ایک سوشل میڈیا صارف نے لکھا کہ لوگ اداکاروں کا نام بھول جاتے ہیں اس میں کوئی بڑی بات نہیں۔
ایک صارف نے لکھا کہ عدنان صدیقی کا ویڈیو میں موجود شخص کے ساتھ رویہ اچھا نہیں تھا۔
