پاکستان سپر لیگ (پی ایس ایل) 10 کے پلے آف کی تصدیق ہوگئی ہے کیونکہ ٹورنامنٹ کے آخری لیگ میچ میں اسلام آباد یونائیٹڈ نے کراچی کنگز کو شکست دینے کے بعد آخری چار ٹیموں نے اپنی جگہ محفوظ کرلی ہے۔
کوئٹہ گلیڈی ایٹرز 15 پوائنٹس کے ساتھ کھڑی ہے اب اس کا مقابلہ 21 مئی کو قذافی اسٹیڈیم لاہور میں کوالیفائر 1 میں اسلام آباد یونائیٹڈ سے ہوگا۔
گلیڈی ایٹرز اور یونائیٹڈ کے پاس پوائنٹس ٹیبل کے ٹاپ 2 میں رہنے کے بعد پی ایس ایل 10 کے فائنل کے لیے کوالیفائی کرنے کے 2 امکانات ہیں، کیونکہ کوالیفائر 1 کی شکست کھانے والی ٹیم 23 مئی کو کوالیفائر 2 میں ایلیمینیٹر کے فاتح سے مقابلہ کرے گی۔
ایلیمینیٹر روایتی حریف لاہور قلندرز اور کراچی کنگز کے درمیان 22 مئی کو کھیلا جائے گا جبکہ گرینڈ فائنل 25 مئی کو کھیلا جائے گا۔
اس سے قبل آل راؤنڈ کارکردگی کی بدولت اسلام آباد یونائیٹڈ نے پیر کو راولپنڈی کرکٹ اسٹیڈیم میں پاکستان سپر لیگ (پی ایس ایل) 10 کے آخری لیگ میچ میں کراچی کنگز کے خلاف 79 رنز کی شاندار فتح حاصل کی۔
اس فتح نے اسلام آباد یونائیٹڈ کوPSL 10 پوائنٹس ٹیبل میں دوسری پوزیشن حاصل کرنے میں مدد کی۔
یوں تو کراچی کنگز کے ساتھ 12 پوائنٹس کیساتھ برابر ہے، تاہم بہتر نیٹ رن ریٹ (NRR) کی وجہ سے آگے ہے۔
