پی ایس ایل 10 کے دوسرے الیمینیٹر میچ میں اسلام آباد یونائیٹڈ کو 95 رنز سے شکست دے کر لاہور قلندرز فائنل میں پہنچ گئی ہے، لاہور قلندرز اور کوئٹہ گلیڈی ایٹرز کے درمیان فائنل 25 مئی کو لاہور میں قذافی اسٹیڈیم میں کھیلا جائے گا۔
قذافی اسٹیڈیم لاہور میں کھیلے گئے پاکستان سپر لیگ 2025 کے دوسرے ایلیمینیٹرز میچ میں لاہوز قلندرز نے اسلام آباد یونائیٹڈ کے خلاف ٹاس جیت کر پہلے بیٹنگ کا فیصلہ کیا۔
پہلے بیٹنگ کرتے ہوئے لاہوز قلندرز نے مقررہ 20 اوورز میں 8 وکٹوں کے نقصان پر 202 رنز بنائے اور اسلام آباد یونائیٹڈ کو جیت کے لیے 203 رنز کا ہدف دیا۔
لاہور قلندرز کی جانب سے فخرزمان 12 رنز بناکر پویلین لوٹے، محمد نعیم نے 50، عبداللہ شفیق نے 25 رنز بنائے، کوشل پریرا نے ناقابل شکست 61 رنز کی اننگز کھیلی، راجا پاسکے 22 اور آصف علی نے 15 رنز بنا کر آؤٹ ہوئے، رشاد حسین نے 5 رنز بنائے۔
لاہور قلندرز کی جانب سے نسیم شاہ نے 4 اوور میں 52 رنز دیے اور کوئی وکٹ نہ لی، ٹائمل ملز نے 3، سلمان ارشاد نے 2 وکٹیں حاصل کیں، عماد وسیم اور جمی نیشم نے ایک، ایک کھلاڑی آؤٹ کیا۔
جوابی اننگز میں اسلام آباد یونائیٹڈ کی پوری ٹیم 15.1 اوورز میں 107 رنز بنا کر آؤٹ ہوگئی۔
اسلام آباد یونائیٹڈ کی جانب سے سلمان علی آغا اور شاداب خان 26 رنز بناکر نمایاں رہے، لاہور قلندرز کی جانب سے شاہین شاہ آفریدی، سلمان مرزا اور رشاد حسین نے بالترتیب، 3،3،3 وکٹیں حاصل کیں۔
واضح رہے کہ گزشتہ روز کھیلے گئے ایلیمنیٹر ون میں لاہور قلندرز نے کراچی کنگز کو شکست دی تھی جبکہ کوالیفائر ون میں اسلام آباد یونائیٹڈ کو کوئٹہ گلیڈی ایٹرز سے شکست ہوئی تھی، آج کا میچ جیتنے والی ٹیم کوئٹہ گلیڈی ایٹرز سے 25 مئی کو فائنل کھیلے گی۔
