کراچی سمیت سندھ بھر میں آج سے انسداد پولیو مہم کا آغازہوگا، 7 روزہ انسداد پولیو مہم یکم جون تک جاری رہے گی۔
ایمرجنسی آپریشن سینٹر کے مطابق کراچی میں 20 لاکھ سے زائد بچوں کو پولیو ویکسین کے قطرے پلانے کا ہدف مقرر کیا گیا ہے، سندھ بھر میں 80 ہزار سے زائد تربیت یافتہ پولیو ورکرز بچوں کوانسداد پولیوکے قطرے پلائیں گے۔
سندھ بھر میں انسداد پولیو ٹیموں کی سیکیورٹی کے لیے 25 ہزار سے زائد اہلکار تعینات ہوں گے، کراچی میں 19 ہزار سے زائد پولیو ورکرز مہم کا حصہ ہوں گے، انسداد پولیومہم میں کراچی میں 6 ہزار سے زائد سیکیورٹی اہلکار تعینات ہوں گے۔
واضح رہے کہ رواں سال پاکستان میں اب تک پولیو کے 10کیس رپورٹ ہوئے ہیں،جن میں سے 4 کیس سندھ سے رپورٹ ہوئے، ایمرجنسی آپریشن سینٹر نے والدین سے اپیل ہے کہ وہ اپنے 5 سال تک کی عمر کے بچوں کو پولیو سے حفاظت کے قطرے ضرور پلوائیں۔
