وفاقی دارالحکومت اسلام آباد میں اپر چترال سے تعلق رکھنے والی ٹک ٹاکر ثنا یوسف کو گولی مار کر قتل کردیا گیا۔
اپر چترال سے تعلق رکھنے والی ثنا یوسف کو نامعلوم افراد نے جی 13 ون میں فائرنگ کرکے موت کے گھاٹ اتارا گیا۔
View this post on Instagram
پولیس کے مطابق نامعلوم افراد نے ثنا یوسف کے گھر میں گھس کر اسے گولی مار کر قتل کردیا، حملہ آور ٹک ٹاکر کو گولی مارنے کے بعد فرار ہوگئے۔
پولیس نے جائے وقوعہ پر پہنچ کر ثنا کی لاش کو تحویل میں لے کر پوسٹ مارٹم کے لیے اسپتال منتقل کردیا۔
پولیس کا کہنا ہے کہ واقعے کی تحقیقات کی جارہی ہیں، اور مزید پیشرفت ہونے پر میڈیا کو آگاہ کردیا جائےگا۔
اسلام آباد پولیس کے ایک آفیسر نے میڈیا کو بتایا کہ ثنا یوسف کے گھر آئے ہوئے ایک مہمان نے انہیں گولی مار کر قتل کیا اور موقع سے فرار ہوگیا۔
واضح رہے کہ ٹک ٹاکر ثنا یوسف نے واقعے سے کچھ دیر قبل ہی ایک ویڈیو سوشل میڈیا پر اپ لوڈ کی تھی۔
