پاکستان کی پارلیمانی وفد کے سربراہ اور چیئرمین پاکستان پیپلز پارٹی بلاول بھٹو زرداری نے کہا ہے کہ بھارت پانی کو ہتھیار کے طور پر استعمال کر رہا ہے اور 240 ملین (24 کروڑ) لوگوں کو پانی سے محروم کرنا ایک کھلی جارحیت اور ایٹمی آبی جنگ کی بنیاد رکھنے کے مترادف ہے۔
یہ بھی پڑھیں:امریکا کو پاک بھارت جامع مذاکرات میں کردار ادا کرنا ہوگا، بلاول بھٹو زرداری
سندھ
ان کا کہنا تھا کہ بھارتی وزیرِاعظم نریندر مودی دھمکی آمیز رویہ اختیار کیے ہوئے ہیں۔
بلاول بھٹو زرداری نے کہا کہ بھارت پوری دنیا کو، حتیٰ کہ اپنے لوگوں کو بھی، جھوٹ بول رہا ہے۔
انہوں نے کہا کہ بھارت پاکستان میں دہشتگردی میں ملوث ہے، کیونکہ بھارتی نیول افسر کلبھوشن یادیو بلوچستان سے گرفتار ہوا تھا۔
بلاول نے دعویٰ کیا کہ حالیہ کشیدگی کے دوران پاکستان نے بھارت کے 6 لڑاکا طیارے مار گرائے، لیکن بھارت نے اس بات کو تسلیم کرنے میں ایک ماہ لگا دیا۔
یہ بھی پڑھیں:بھارت نے ہمارے خلاف جوہری میزائل استعمال کرکے نیوکلیئر جنگ کا خطرہ کھڑا کردیا، بلاول بھٹو
ان کا کہنا تھا کہ پاکستانی فضائیہ کے نشانے پر بھارت کے 20 طیارے تھے، مگر پاکستان نے ذمہ داری کا مظاہرہ کرتے ہوئے صبر و تحمل سے کام لیا۔ بلاول نے واضح کیا کہ اس آپریشن میں پاکستان کا کوئی بھی طیارہ متاثر نہیں ہوا۔
انہوں نے کہا کہ پاکستان امن کا خواہاں ہے اور بھارت کے ساتھ تمام مسائل پر بات چیت کرنا چاہتا ہے۔
بلاول بھٹو زرداری نے کشیدگی کے دوران پاکستان کا ساتھ دینے پر دوست ممالک کا شکریہ بھی ادا کیا۔
