عالمی ادارہ صحت ( ڈبلیو ایچ او) نے 3 سال بعد کووڈ 19 کی وبا کے لیے نافذ عالمی ایمرجنسی ختم کرنیکا اعلان کر دیا ہے۔
ڈبلیو ایچ او کی ایمرجنسی کمیٹی کا اجلاس 4 مئی کو ہوا تھا جس میں عالمی ایمرجنسی ختم کرنے کی سفارش کی گئی تھی، جس کے بعد 5 مئی جمعے کو ایمرجینسی ختم کرنے کا اعلان کر دیا گیا ہے۔
🚨 BREAKING 🚨
"Yesterday, the Emergency Committee met for the 15th time and recommended to me that I declare an end to the public health emergency of international concern. I have accepted that advice"-@DrTedros #COVID19 pic.twitter.com/esKKKOb1TZ
— World Health Organization (WHO) (@WHO) May 5, 2023
ڈبلیو ایچ او کے مطابق ایمرجنسی ختم کرنے کے اعلان کا یہ مطلب نہیں کہ کورونا وبا کا خطرہ مکمل طور پر ٹل گیا ہے۔
ڈبلیو ایچ او کے ڈائریکٹر جنرل ڈاکٹر ٹیڈروس ادھانوم نے ایک پریس کانفرنس کے دوران کہا کہ کووڈ وبا کی شدت میں کمی کا رجحان دیکھنے میں آ رہا تھا جس کی وجہ سے یہ اقدام اٹھایا گیا۔
انہوں نے مزید کہا کہ عالمی ایمرجنسی ختم ہونے کا مطلب یہ نہیں کہ کووڈ سے عالمی صحت کو لاحق خطرہ ٹل گیا، گزشتہ ہفتے کووڈ ہر 3 منٹ میں ایک موت کا باعث بنی اور یہ وہ اموات ہیں جن کا ہمیں علم ہوا۔
واضح رہے کہ ڈبلیو ایچ او کی جانب سے 30 جنوری 2020 کو کووڈ وبا کے باعث عالمی ایمرجنسی نافذ کی گئی تھی۔
اس وبا کے باعث لگ بھگ 70 لاکھ افراد ہلاک ہوئے جبکہ کروڑوں افراد کووڈ سے متاثر ہوئے۔