پیرس میں جاری ایئرشو کے درمیان فرانسیسی وزیر اعظم فران کوئس بایرو کو اس وقت مضحکہ خیز صورتحال کا سامنا کرنا پڑا جب رافیل طیارے کے معائنے کے دوران کاک پٹ میں پھنس گئے۔
پیرس ایئرشو کے دوران فرانسیسی وزیر اعظم نے مختلف طیاروں کا دورہ کیا اور کچھ طیاروں کے کاک پٹ میں بیٹھ کر اندرونی نظام کا بھی جائزہ لیا۔
تاہم فرانس کے مشہور جنگی طیارے رافیل کے اسٹال کے دورے کے دوران جب وہ طیارے میں بیٹھ گئے تو انہیں معائنے کے بعد باہر نکلنے میں کافی دقت کا سامنا کرنا پڑا۔
View this post on Instagram
اس موقع پر وہاں موجود اہلکاروں نے کافی کوشش کے بعد رافیل کے کاک پٹ میں پھنسے فرانسیسی وزیر اعظم کو باہر نکالا۔
اس واقع کی ویڈیو جلد ہی سوشل میڈیا پر وائرل ہوگئی جس پر صارفین نے طرح طرح کے تبصرے کیے۔
