ایشین 6 ریڈ اور ٹیم اسنوکر چیمپیئن شپ میں پاکستانی تینوں کھلاڑیوں نے پری کوارٹر فائنلز کے لیے کوالیفائی کر لیا۔
پیر کو کولمبو میں چیمپیئن شپ کے دوسرے روز بھی پاکستانی کھلاڑیوں کی فتوحات کا سلسلہ جاری رہا، پاکستان کے اویس منیر نے اپنے تینوں میچ جیت کر پری کوارٹر فائنل کے لیے کوالیفائی کرلیا۔ محمد آصف نے3 میں سے 2 میچوں میں کامیابی حاصل کرکے پری کوارٹر فائنل میں جگہ بنا ئی جبکہ محمد سجاد نے 2 میچ جیت کر پری کوارٹر فائنل کے لیے کوالیفائی کرلیا۔
یہ بھی پڑھیں: ایشیائی 6 ریڈ اسنوکر چیمپیئن شپ: پاکستانی کھلاڑیوں کا شاندار کارکردگی کے ساتھ آغاز
دفاعی چیمپیئن پاکستان کے اویس منیر نے بھارت کے پشپندر سنگھ کو 2-4 سے شکست دی، ان کی جیت کا اسکور (1-51(37), 47(34)-0, 66(35,31)-0, 10-46, 34-21, 33-21) رہا۔
پاکستان کے محمد آصف نے عمان کے عبداللہ رئیسی کو 0-4 شکست دی۔ان کے جیت کا سکور (40-1, 27-14, 27-24, 56(55)-04)رہا۔
پاکستان کے محمد سجاد نے سری لنکا کے محمد مشرف کو 0-4 سے شکست دی، ان کے جیت کا سکور (41-9, 35-1, 58(58)-5, 25-21)رہا۔
یہ بھی پڑھیں: اسنوکر ٹورنامنٹ، پاکستان نے بھارت کو دھول چٹادی
پاکستان کے محمد آصف آج کے دوسرے میچ میں سری لنکا کے محمد طحہ سے 4-3 ہارگئے ، ان کا سکور (5-47, 18-32, 66(35,31), 0-44(36), 42-18, 54(38)-5, 44(40)-0) رہا۔
