منکی پاکس کی روک تھام کے لیے اہم اقدامات کرتے ہوئے ایف آئی اے نے اسلام آباد ایئر پورٹ پر سعودی عرب سے آنے والے ڈیپورٹیز کے لیے الگ کاؤنٹر بنا دیا ہے۔
ترجمان ایف آئی اے امیگریشن کے مطابق امیگریشن کاؤنٹر نمبر 5 پر صرف سعودی عرب سے آنے والے ڈیپورٹیز کی امیگریشن کی جائے گی۔ امیگریشن سٹاف کو فیس ماسک، گلوز، سینیٹائزر اور حفاظتی یونیفارم مہیا کر دیے گئے ہیں۔
سعودی عرب سے آنے والے ڈیپورٹیز کی امیگریشن کے لیے الگ امیگریشن مہر بھی مختص کر دی گئی ہے۔ امیگریشن سٹاف کو منکی پاکس کی روک تھام کے حوالے سے خصوصی تربیت بھی دی گئی ہے۔