نارکوٹکس کنٹرول بیورو (این سی بی) نے بھارت کی ساحلی ریاست گوا میں ایک منشیات فروشوں کے بین الاقوامی گروہ میں شامل دو روسیوں (ایک اولمپک میڈلسٹ اور ایک سابق پولیس اہلکار) اور ان کے ہندوستانی ساتھی کو گرفتار کیا ہے۔
روسی اولمپک میڈلسٹ سویتلانا ورگانووا، جس نے 1980 میں روس کی جانب سے تیراکی میں چاندی کا تمغہ جیتا تھا اور کنگ پن جو کہ روس کے ایک سابق پولیس اہلکار ہیں کو ہندوستانی ساتھی آکاش سمیت گرفتار کر لیا گیا ہے۔
میڈیا رپورٹس کے مطابق این سی بی کی گوا یونٹ اپریل کے وسط سے مشتبہ افراد کی تلاش میں تھی اور اس نے ایک اطلاع پر کارروائی کرتے ہوئے شمالی گوا میں ماہی گیروں کے گاؤں ارمبول سے انہیں گرفتار کیا۔
این سی بی حکام نے تینوں ملزموں کو منشیات اور نقدی کے ساتھ گرفتار کیا ہے۔ حکام کے مطابق سویتلانا ورگانووا پچھلے کئی سالوں سے گوا میں رہائش پذیر تھے اور وہ مبینہ طور پر غیر ملکی شہریوں کو منشیات سپلائی کر رہے تھے۔
حکام نے 88 ایل ایس ڈی بلاٹس، 8.8 گرام کوکین، 242.5 گرام چرس (بھنگ کی رال)، 1.440 کلو گرام (کلوگرام) ہائیڈروپونک کینابیس، 16.49 گرام ہیش آئل، 410 گرام کیمیٹ، 2 گرام ہیمیٹ اور کیمامین برآمد کیا ہے۔
انسداد منشیات آپریشن کے دوران جعلی شناختی دستاویزات کے ساتھ 488,000 ہندوستانی روپے، 1829 ڈالرز اور 1,720 تھائی بھات (تقریباً 7850 ڈالرز کے برابر) پر مشتمل غیر ملکی کرنسی بھی ضبط کی گئی۔
بھارت میں منشیات کی بڑی مقدار رکھنے پر 1985 کے این ڈی پی ایس ایکٹ کے تحت 20 سال تک قید کی سزا ہے جب کہ بعض صورتوں میں موت بھی ہو سکتی ہے۔
