ٹی وی کے معروف اداکار شبیر رعنا دل کا دورہ پڑنے سے انتقال کر گئے ہیں جس کی تصدیق ان کے بیٹے اذلان شاہ نے کی۔
اداکار کے بیٹے اذلان شاہ نے سوشل میڈیا کے ذریعے اپنے والد کے انتقال کی تصدیق کی۔
اذلان شاہ نے لکھا کہ میرے والد کا اتوار کی صبح کو انتقال ہو گیا ہے۔
شبیر رعنا کے بیٹے اذلان شاہ ممتاز یو ٹیوبر اور سوشل میڈیا اسٹار ہیں۔
شبیر رعنا کے اہل خانہ نے تفصیلات بتاتے ہوئے کہا کہ اداکار دل کے عارضے میں مبتلا تھے اور بیماری کی وجہ سے قومی ادارہ برائے امراض قلب میں زیر علاج تھے۔
کراچی یونین آف جرنلسٹس کے رکن جیو نیوز سے وابستہ سینئر صحافی ذیشان شاہ کے والد معروف اداکار شبیر شاہ المعروف شبیر رعنا طویل علالت کے بعد انتقال کرگئے اناللّہ وانا الیہ راجعون مرحوم کی نماز جنازہ بعد نماز عصر رحمانیہ مسجد طارق روڈ میں ادا کی جائے گی کے یو جے کا اظہار تعزیت pic.twitter.com/HW5aVlQAjY
— Karachi Union of Journalists (@OfficialKUJ) May 7, 2023
اداکار کچھ عرصے سے ٹی وی اسکرین سے غائب تھے مگر ماضی میں شبیر رعنا نے 40 سال سے زائد ٹائم تک ٹی وی ڈراموں میں خدمات انجام دیں۔
شبیر رعنا کو لیجنڈری اداکار معین اختر کے ساتھ کام کرنے کا اعزاز بھی حاصل تھا۔
اداکار نے ڈراما سیریل ’بے انتہا‘ ، ’محبت زندگی ہے‘ ، ’ڈھیلی کالونی‘ میں بھرپور کامیابی سمیٹی۔
اس کے علاوہ شبیر رعنا نے ٹی وی ڈراما ’محمود آباد کی ملکائیں‘ ، ’قید تنہائی‘ میں بھی اپنی اداکاری کے بھرپور جوہر دکھائے۔