اداکارہ کائنات اروڑا نے حال ہی میں انکشاف کیا کہ جب وہ بالی وڈ میں قدم رکھنے والی تھیں تو ان کے ساتھی اداکار اجیت کمار اور سنجے دت نے انہیں اس کے بارے میں محتاط رہنے کے مشورے دیے تھے۔ کائنات نے کہا کہ ان دونوں نے انہیں اس مشکل راستے کے بارے میں خبردار کیا تھا۔
کائنات ارورا نے ایک ٹی وی پروگرام میں گفتگو کرتے ہوئے ان مشوروں کو یاد کیا جو انہوں نے اجیت کمار اور سنجے دت نے دیے تھے۔ سنجے دت نے انہیں فلم انڈسٹری میں قدم رکھنے سے پہلے دوبارہ سوچنے کی نصیحت کی۔
یہ بھی پڑھیے امیتابھ بچن کے ساتھ کام کرنا وائرس کے ساتھ کام کرنے کے مترادف ہے، کرن کمار نے ایسا کیوں کہا؟
کائنات نے بتایا کہ ’سنجے دت نے کہا تھا کہ اس صنعت میں آنے سے پہلے دوبارہ سوچو، کیونکہ یہ آسان نہیں ہے۔‘
کائنات نے مزید کہا کہ جب وہ فلم ’مانکٹھا‘ کے دوران اجیت کمار کے ساتھ کام کر رہی تھیں تو انہوں نے بھی کچھ ایسا ہی مشورہ دیا۔
’کائنات، تم بہت سادہ ہو۔ تمہیں مکمل طور پر تیار رہنا ہوگا کیونکہ یہ سفر آسان نہیں ہے۔‘
کائنات کا اپنے خاندان کی حمایت پر تبصرہ
کائنات اروڑا نے اپنے خاندان کی ابتدائی فکرمندی کا بھی ذکر کیا۔ انہوں نے بتایا کہ ان کے والدین شروع میں ان کے شوبز کی دنیا میں قدم رکھنے کے فیصلے کے بارے میں محتاط تھے۔ تاہم، جب ان کے کام کو سراہا جانے لگا، تو ان کے والدین نے ان کی حمایت کرنا شروع کر دی۔ کائنات نے بتایا ’ میرے والدین نے ہمیشہ مجھے پرفارمنس پر مبنی اور پیغام دینے والی فلموں میں کام کرنے کی ترغیب دی ہے۔‘
یہ بھی پڑھیے ’اتنا غرور کس چیز کا ہے‘، کترینہ کی زرین خان کو نظر انداز کرنے کی ویڈیو وائرل
کائنات کی یہ باتیں نہ صرف ان کے سفر کو سمجھنے میں مدد دیتی ہیں، بلکہ ان کے حوصلے اور محنت کی داستان بھی سناتی ہیں، جو آج انہیں ایک کامیاب اداکارہ کے طور پر سامنے لائی ہے۔
