سال 2025 کا پہلا نصف مکمل ہو چکا ہے، اور عالمی فلمی دنیا نے ان 6 ماہ میں شائقین کو ایسا شاندار مواد فراہم کیا ہے جو دیر تک ذہنوں میں نقش رہے گا۔ یورپی سینماؤں اور آن لائن پلیٹ فارمز پر ریلیز ہونے والی ان فلموں نے نہ صرف ناظرین کو متاثر کیا بلکہ تنقید نگاروں سے بھی خوب داد سمیٹی۔ ذیل میں 2025 کی اب تک کی 15 بہترین فلموں کا جامع جائزہ پیش ہے:
Sorda
ہسپانوی ہدایتکارہ ایوا لیبرتاڈ کی یہ فلم ایک بہری خاتون اور اس کے سننے والے شوہر کے درمیان تعلقات، والدین بننے کے خدشات اور سماجی تعصبات کو نہایت حساسیت سے پیش کرتی ہے۔
Nickel Boys
امریکی تاریخ کے سیاہ دور پر مبنی یہ فلم 2 سیاہ فام نوجوانوں کی اصلاحی مرکز میں اذیت ناک زندگی کو فرسٹ پرسن کیمرہ ورک کے ذریعے دکھاتی ہے۔
Sinners
رائن کوگلر کی یہ ہارر موسیقی فلم جم کرو دور کے امریکا میں بلیوز موسیقی اور نسل پرستی کے خلاف ماورائی مزاحمت کو پیش کرتی ہے۔
The Brutalist
ادریئن بروڈی کی لاجواب اداکاری سے مزین یہ طویل مگر جاندار فلم ایک یہودی مہاجر معمار کی امریکا میں شناخت، فن اور آزادی کی تلاش کی کہانی ہے۔
The Ugly Stepsister
نارویجن سینما کی ایک دل دہلا دینے والی کہانی جو سنڈریلا کی نظروں سے اوجھل سوتیلی بہن کو مرکزی کردار بناتی ہے، اور خوبصورتی کے جنون پر تلخ طنز کرتی ہے۔
April
جارجیائی ہدایتکارہ دیئا کلمبے گاشویلی کی یہ فلم دیہی علاقوں میں غیرقانونی اسقاط حمل کی حقیقتوں کو بے رحمانہ ایمانداری سے دکھاتی ہے۔
28 Years Later
زومبی جنر کی نئی زندگی، جہاں ماں اور بیٹا بقا کی تلاش میں وحشی انفیکٹڈ انسانوں کے درمیان سفر کرتے ہیں۔ دل دہلا دینے والی اور محبت بھری فلم۔
I’m Still Here
برازیلی فلم جس میں آمریت کے دور میں لاپتا ہونے والے افراد کے المیے اور ان کے پیچھے رہ جانے والوں کی جدوجہد کو مؤثر انداز میں دکھایا گیا ہے۔
Materialists
سیلین سونگ کی رومانوی کامیڈی جو ڈیٹنگ، خود اعتمادی اور معاشی کشمکش کے درمیان محبت کے حقیقی معنی تلاش کرتی ہے۔
Black Bag
مائیکل فاسبینڈر اور کیٹ بلینچٹ کی سنسنی خیز جاسوسی فلم جو اعتماد اور شادی کے موضوع پر گہری گفتگو کرتی ہے۔
Sly Lives
افسانوی موسیقار سلائی سٹون کی زندگی پر مبنی یہ ڈاکیومنٹری موسیقی، نسل اور شہرت کے بوجھ کو نہایت گہرائی سے دریافت کرتی ہے۔
Dreams
نارویجن ہدایتکار ڈاگ یوہان ہوگروڈ کی جنسی و جذباتی تھیمز پر مبنی ٹرائیلوجی کی تیسری فلم، جو نو عمری کی پہلی محبت کے جذباتی اتار چڑھاؤ کو چھوتی ہے۔
The Woman in the Yard
ایک اداس ماں کی کہانی جو گھر کے باہر آنے والی پراسرار عورت سے دوچار ہوتی ہے۔
Bring Her Back
ایک خوفناک رسم، 2 یتیم بہن بھائی اور ایک ایسی ماں جو جہنم سے آئی ہو، یہ فلم اعصاب شکن حد تک ڈرا دینے والی ہے۔
A Real Pain
جیسے آئزنبرگ کی ہدایتکاری میں 2 کزنوں کا سفر، جو ہنسی، دکھ اور ہولوکاسٹ کی یادوں کے ساتھ ایک گہرے جذباتی تجربے میں بدل جاتا ہے۔ کیئرن کلکن کی اداکاری قابلِ داد ہے۔
The Last Showgirl
پامیلا اینڈرسن کی متاثرکن کارکردگی سے سجی یہ فلم لاس ویگاس کی شوگرلز کے غروب ہوتے ہوئے دور اور عمر رسیدہ عورتوں کے احساسِ وجود پر ایک نرماہٹ بھرا بیان ہے۔
مذکورہ فلموں نے نہ صرف 2025 کے پہلے 6 ماہ کو یادگار بنایا بلکہ عالمی سینما کی وسعت اور جرات کو بھی ثابت کیا۔ اگر آپ نے ان میں سے کچھ فلمیں نہیں دیکھیں تو اب واچ لسٹ تیار کر لیجیے۔
