بھارتی کرکٹ ٹیم کے فاسٹ باؤلر محمد شامی کی علیحدہ رہنے والی اہلیہ حسِین جہاں ایک بار پھر تنازعے کی زد میں آگئیں، جب ان کے خلاف ایک پڑوسن نے پولیس میں شکایت درج کرائی۔
#Shami's ex-wife, Hasin Jahan, was caught on camera raising her hands on a neighbour in a fight. pic.twitter.com/CwQ1CNw0WG
— ShoneeKapoor (@ShoneeKapoor) July 16, 2025
یہ شکایت ڈالیہ خاتون نامی خاتون کی جانب سے دی گئی، جس میں تشدد، مجرمانہ سازش اور قاتلانہ حملے کی کوشش جیسے سنگین الزامات شامل ہیں۔ واقعے کی مکمل ویڈیو سوشل میڈیا پر وائرل ہو چکی ہے، جس کے بعد معاملہ عوامی توجہ کا مرکز بن گیا ہے۔
یہ بھی پڑھیں:محمد شامی کو قتل کی دھمکی موصول، بھارتی کھلاڑی سے کتنا بھتہ مانگا گیا؟
رپورٹس کے مطابق تنازع مغربی بنگال کے ضلع بیربھوم کے شہر سوری میں ایک متنازع زمین کے معاملے پر شروع ہوا، جہاں حسِین جہاں نے اپنی بیٹی آرشی کے نام پر رجسٹرڈ زمین پر تعمیراتی کام شروع کروایا۔
پڑوسن کا دعویٰ ہے کہ یہ زمین متنازع ہے، اور اسی وجہ سے جھگڑا شدت اختیار کر گیا۔
دلچسپ بات یہ ہے کہ حسِین جہاں نے بھی پہلے اسی پڑوسن کے خلاف شکایت درج کرائی تھی، لیکن تازہ ترین ویڈیو اور الزامات نے معاملے کو نیا رخ دے دیا ہے۔
پولیس تحقیقات جاری ہیں جبکہ سوشل میڈیا پر عوام کی جانب سے ملا جلا ردعمل دیکھنے کو مل رہا ہے۔
