پاکستان نے بھارتی طیاروں کے لیے اپنی فضائی حدود پر عائد پابندی میں 23 اگست تک توسیع کر دی ہے۔ پاکستان ایئرپورٹس اتھارٹی (PAA) کی جانب سے جاری کردہ نئے نوٹس ٹو ایئر مین (NOTAM) کے مطابق یہ پابندی تمام بھارتی رجسٹرڈ طیاروں، بشمول فوجی اور تجارتی پروازوں، پر لاگو ہوگی۔
مزید پڑھیں:بھارت کے لیے پاکستان کی فضائی حدود مزید ایک ماہ بند رہیں گی
یہ پابندی ابتدائی طور پر 23 اپریل کو عائد کی گئی تھی، جو خطے میں بڑھتی ہوئی کشیدگی کے تناظر میں لگائی گئی تھی۔ تب سے اب تک بھارتی فضائی ٹریفک کے لیے پاکستانی فضائی حدود بند ہے۔
تازہ ترین ہدایت نامے کے مطابق، اس پابندی کے دوران کوئی بھی بھارتی طیارہ پاکستانی فضائی حدود میں داخل نہیں ہو سکے گا اور نہ ہی اس سے گزر سکے گا۔
