چیئرمین سینیٹ سید یوسف رضا گیلانی نے کہا ہے کہ پائیدار ترقی کے لیے مضبوط ادارے اور شفاف نظام ناگزیر ہے۔
یہ بھی پڑھیں: یوسف رضا گیلانی تمام مقدمات سے بری، کیا سیاسی مقدمات کی روک تھام کا وقت آ گیا؟
انٹرنیشنل فیڈریشن آف کنسلٹنگ انجینیئرز ایشیا پیسیفک مڈ ایئر کانفرنس 2025 کی اختتامی تقریب سے اسلام آباد میں بطورِ مہمان خصوصی خطاب کرتے ہوئے انہوں نے کہاکہ عوامی بھلائی کے لیے احتسابی عمل کو یقینی بنانا ہوگا اورانفراسٹرکچر منصوبوں میں بین الاقوامی معیار اور شفافیت کی ضرورت ہے۔
انہں نے کہاکہ میں نے اپنی وزارتِ عظمیٰ کے دوران پبلک پرائیویٹ پارٹنرشپ کو فروغ دیا۔
چیئرمین سینیٹ نے کاروبار و جدت کے لیے موزوں ریگولیٹری ماحول کی تشکیل پر زور دیا۔ انجینیئرنگ کے شعبے میں مؤثر قانون سازی کے لیے ایوان بالا بھرپور حمایت کرےگا۔ چیئرمین سینیٹ نے ترقیاتی شراکت داروں کا پاکستان کی معاونت پر شکریہ ادا کیا۔
ان کا کہنا تھا کہ نوجوانوں کو بااختیار بنانا ہماری اخلاقی و اسٹریٹجک ذمہ داری ہے۔ انہوں نے اے سی ای پی کی جانب سے ماہرین کو یکجا کرنے پر خراج تحسین پیش کیا۔
یہ بھی پڑھیں: پیپلزپارٹی حکومت میں شامل ہو یا عوام میں جاکر سیاست کرے، یوسف رضا گیلانی کی تجویز
انہوں نے کہاکہ سڑکیں، پل اور نیٹ ورکس صرف تعمیرات نہیں، ترقی کے ضامن ہیں۔ ایف آئی ڈی آئی سی کی دیانت داری پر مبنی عالمی کردار قابل ستائش ہے۔عوامی وسائل کا دانشمندانہ استعمال وقت کی اہم ضرورت ہے۔ کانفرنس میں بننے والے روابط مستقبل کا تعمیری راستہ ہموار کریں گے۔
