شوبز انڈسٹری کی معروف اداکارہ علیزے شاہ نے پروڈکشن ہاؤسز کو آڑے ہاتھوں لیتے ہوئے کہا ہے کہ جہاں کام میں عزت نہیں ہے وہاں آپ کیا کام کرو گے۔ مجھے صرف عزت اور وقت پر میرے پیسے چاہیئں۔
علیزے شاہ نے کہا کہ وہ اب ڈراموں میں اس لیے کام نہیں کر رہیں کیونکہ انہیں وقت پر ادائیگیاں نہیں ملتیں۔ بعض اوقات انہیں اپنے چیکس کے لیے 3 سے 4 ماہ تک انتظار کرنا پڑتا ہے۔ انہوں نے کہا کہ اپنے پیسوں کے لیے بار بار کہنا پڑتا ہے، تب جا کر کہیں ادائیگی ہوتی ہے۔
ان کا مزید کہنا تھا کہ جب کہیں کہ ہم نے گھر چلانا ہے تو کہتے ہیں کہ ہم آپ کو اتنے پیسے تو دے رہے ہیں کہ آپ کا گزارہ ہوجائے۔ معاوضہ بھی خیرات کی طرح دیا جاتا۔ ساتھ ہی کہا جاتا ہے کہ ہم آپ کو اتنی بڑی پروکشن میں ڈرامہ دے کر آپ پر احسان کر رہے ہیں۔
View this post on Instagram
علیزے شاہ نے الزام لگایا کہ پیسے خرچ کرکے انہیں بدنام کیا گیا مخلتف پیچز سے ان کے خلاف میمز بنوائی گئیں۔ اور مجھے اتنا ٹرول کیا گیا کہ جب بھی میں کسی میٹنگ میں جاتی تھی تو ڈائریکٹر کہتے تھے کہ ہم نے آپ کے بہت قصے سنے ہیں اور کہتے تھے کہ آپ کی امیج اتنی خراب ہے ہم آپ کو کیوں کاسٹ کریں۔
یہ بھی پڑھیں: ’کوئی سرجری نہیں کرائی، مجھے بخش دیں‘، علیزے شاہ برہم
اداکارہ نے کہا کہ آپ نے مجھے ڈرامے میں کاسٹ کرنا ہے یا نہیں یہ الگ بات ہے لیکن آپ مجھ سے سوال کرنے والے کون ہوتے ہیں کہ میری امیج خراب ہے۔ انہوں نے کہا کہ مجھے کام دے کر میری ذات پر احسان نہ کریں مجھے صرف عزت اور وقت پر میرے پیسے چاہیئں اور اگر آپ وہ بھی نہیں کر سکتے تو انڈسٹری میں آپ سے بڑا بھکاری کوئی نہیں ہے جو آپ ایکٹرز کا پیسہ کھا کھا کہ اتنے بڑے بڑے محل بنا رہے ہیں وہ کبھی تو گریں گے۔
انہوں نے مزید کہا کہ لوگ کہتے ہیں کہ میرے مسئلے بہت ہیں، سارا دن ہم ایکسٹینشنز لگا کر میک اپ روم میں بیٹھے ہوتے ہیں اور اکثر اے سی نہیں چل رہے ہوتے، باتھ روم ناقابل استعمال ہوتے ہیں۔
