خادمِ حرمین شریفین شاہ سلمان بن عبدالعزیز کی زیرِ سرپرستی، آئندہ سعودی ذرائع ابلاغ فورم 2 سے 4 فروری 2026 کو دارالحکومت ریاض میں منعقد ہوگا، جس میں 250 سے زائد مقامی، علاقائی اور بین الاقوامی ادارے شرکت کریں گے۔ اس فورم میں دنیا بھر کے ابلاغی ماہرین، تخلیقی صنعتوں، اور نئی معلوماتی تکنیکی کمپنیوں کی شرکت متوقع ہے۔
یہ بھی پڑھیں: سعودی دارالحکومت ریاض میں فیوچر ایوی ایشن فورم کا آغاز
فورم کا مقصد ابلاغ کے شعبے میں ہونے والی بڑی تبدیلیوں پر گفتگو، اختراعی نظریات کا تبادلہ، اور سعودی عرب کی معلوماتی معیشت کے اہداف کو فروغ دینا ہے، تاکہ ایک بااثر، تخلیقی اور پائیدار ذرائع ابلاغ کا ماحول تشکیل دیا جاسکے۔
وزیر اطلاعات سلمان بن یوسف الدوسری کے مطابق، فورم میں مصنوعی ذہانت، بصری حقیقت، اور نئی ابلاغی ٹیکنالوجیوں کے اطلاقات زیرِ بحث آئیں گے، جبکہ 100 سے زائد نشستیں، تربیتی مجالس اور اختراعی مراکز فورم کا حصہ ہوں گے۔ اس دوران کئی بین الاقوامی معاہدے بھی متوقع ہیں، جن کا مقصد سعودی ابلاغی صلاحیتوں کو فروغ دینا اور عالمی سطح پر نئے مواقع پیدا کرنا ہے۔
یہ بھی پڑھیں: سعودی عرب کو 30 ارب ڈالر کا مینیو دیدیا، اب دیکھنا ہے وہ کتنی سرمایہ کاری کرتے ہیں، اسحٰق ڈار
سعودی ذرائع ابلاغ فورم اب ایک سالانہ عالمی مرکز کی صورت اختیار کر چکا ہے، جو علم، مہارت، اور تخلیق کو یکجا کر کے مستقبل کے ذرائع ابلاغ کی تعمیر میں اہم کردار ادا کررہا ہے۔
