قومی احتساب بیورو نے وزیراعظم شہباز شریف اور ان کے بیٹے حمزہ شہباز کو منی لانڈرنگ ریفرنس میں بے گناہ قرار دیدیا۔
احتساب عدالت لاہور کے جج قمر الزمان نے وزیر اعظم شہباز شریف اور ان کے صاحبزادے حمزہ شہباز کے خلاف منی لانڈرنگ کیس کی سماعت کی۔ شہباز شریف کے نمائندے انوار حسین نے عدالت پیش ہو کر حاضری مکمل کروائی۔
نیب کی جانب سے منی لانڈرنگ ریفرنس کی ضمنی رپورٹ احتساب عدالت میں جمع کرائی گئی۔ رپورٹ میں وزیر اعظم شہباز شریف اور حمزہ شہباز کو بے گناہ قرار دیا گیا ہے،عدالت نے کیس کی مزید سماعت 24 مئی تک ملتوی کر دی۔
اس سے قبل گزشتہ سال لاہور خصوصی عدالت نے وفاقی تحقیقاتی ادارہ (ایف آئی اے) کی جانب سے درج کیے گئے منی لانڈرنگ کے مقدمے میں وزیراعظم شہباز شریف اور سابق وزیراعلٰی پنجاب حمزہ شہباز کی بریت کی درخواستیں منظور کرتے ہوئے انہیں مقدمے سے بری کردیا تھا۔
خیال رہے کہ ایف آئی اے کیس میں وزیراعظم شہباز شریف اور ان کے بیٹے حمزہ شہباز کو ٹرائل کورٹ کی جانب سے پہلے ہی بری کیا جاچکا ہے۔