پاکستان اور ویسٹ انڈیز کے درمیان ایک روزہ سیریز کے دوسرے میچ میں پاکستان کی بیٹنگ جاری ہے، بارش سے متاثرہ میچ 60 اوورز تک محدود کردیا گیا ہے۔
تین ون ڈے میچوں کی سیریز کے دوسرے میچ میں ویسٹ انڈیز نے ٹاس جیت کر پاکستان کے خلاف فیلڈنگ کا فیصلہ کیا، ٹاس جیتنے کے بعد ویسٹ انڈیز کے کپتان نے کہا کہ پاکستانی کھلاڑیوں کو کم اسکور پر آؤٹ کرنے کی کوشش کریں گے۔
قومی ٹیم کے کپتان محمد رضوان نے کہا کہ پلیئنگ 11 میں 3 تبدیلیاں کی گئی ہیں، نوجوان کھلاڑیوں نے پہلے میچ میں اچھا پرفارم کیا، محمد نواز، حسن علی اور ابرار احمد کو پلیئنگ الیون میں شامل کیا گیا ہے۔
قومی اسکواڈ میں عبداللہ شفیق، صائم ایوب، بابر اعظم، سلمان آغا، محمد رضوان( کپتان)، حسن نواز، حسین طلعت، محمد نواز، شاہین آفریدی، حسن علی، ابرار احمد شامل ہیں۔
ویسٹ انڈیز کی جانب سے برینڈن کنگ، ایون لیوس، کیسی کارٹی، کپتان و وکٹ کیپر شائی ہوپ، شیرفین ردرفورڈ، روسٹن چیز، جسٹن گریوز، گڈاکیش موتی، شامر جوزف، جیڈن سیلز اور جیڈیا بلیڈز میدان میں اتریں گے۔
ون ڈے کرکٹ میں اب تک دونوں ٹیمیں 138 مرتبہ آمنے سامنے آچکی ہیں، جن میں ویسٹ انڈیز نے 71 فتوحات حاصل کیں، پاکستان نے 64 میچ جیتے، جب کہ 3 مقابلے برابر رہے۔ اگرچہ مجموعی ریکارڈ میں ویسٹ انڈیز کو برتری حاصل ہے، لیکن حالیہ برسوں میں وہ پاکستان کے خلاف کمزور کارکردگی دکھا رہے ہیں، اور آخری بار 1991 میں کسی دو طرفہ سیریز میں کامیابی حاصل کی تھی۔
پاکستان کو اس سیریز میں ویسٹ انڈیز پر 0-1 کی برتری حاصل ہے،پاکستان آج کا میچ جیت کر سیریز میں 0-2 کی برتری کے ساتھ کلین سوئپ کا خواہاں ہے۔
