پاکستان تحریک انصاف کے چیئرمین عمران خان کی گرفتاری کے بعد جہاں تحریک انصاف کے کارکنوں نے ملک گیر احتجاج کیا وہیں پر کچھ سابق کرکٹرز بھی ان کی حمایت میں سامنے آ گئے ہیں۔
قومی کرکٹ ٹیم کے سابق کپتان وسیم اکرم نے سماجی رابطے کی ویب سائٹ پر اپنی ایک ٹوئٹ میں عمران خان کو مخاطب کرتے ہوئے لکھا کہ کپتان! آپ مضبوط رہیں۔ آپ ایک انسان لیکن لاکھوں لوگوں کی طاقت ہیں۔
You are one man, but you have the strength of millions.
Stay strong skipper . #BehindYouSkipper— Wasim Akram (@wasimakramlive) May 9, 2023
وسیم اکرم کی اہلیہ شنیرا اکرم بھی پیچھے نہ رہیں اور اپنی ٹوئٹ داغ دی جس میں لکھا کہ پاکستانی سرکس نے ایک بڑا شو کر کے ایک ٹائیگر کو گرفتار کیا ہے۔ لیکن ہمارا ٹائیگر لڑنے والوں میں سے ہے وہ سرکس کی حرکتیں نہیں کرتا۔
شعیب اختر کا عمران خان کی گرفتاری پر افسردگی کا اظہار
دوسری جانب سابق فاسٹ باؤلر شعیب اختر نے بھی افسردگی کا اظہار کیا ہے۔
https://twitter.com/shoaib100mph/status/1656211667795976193?s=20
اپنی ایک ٹوئٹ میں شعیب اختر نے کہا کہ قومی ہیرو کے ساتھ ہونے والے سلوک کی ویڈیوز سامنے آنے پر دل شکستہ ہے۔ عمران خان کی پاکستان کے لیے ان گنت خدمات ہیں۔ سوال ہے کہ ہم کس جانب بڑھ رہے ہیں۔ مہربانی فرما کر اپنے قومی ہیروز کے لیے عزت دکھائیں۔
آئیے اپنے قائد اور آزادی کی حفاظت کریں: وقار یونس
قومی کرکٹ ٹیم کے سابق کوچ وقار یونس بھی پیچھے نہ رہے اور ٹوئٹ میں اظہار خیال کرتے ہوئے کہا کہ کپتان ہم آپ کے ساتھ ہیں۔ آئیے اپنے قائد اور آزادی کی حفاظت کریں۔
Right behind you Skipper♥️.
Injustice at the end produces independence.More Power to you @ImranKhanPTI Lets protect our Leader & freedom #PakistanZindabad. pic.twitter.com/69gQYjqshB— Waqar Younis (@waqyounis99) May 9, 2023
واضح رہے کہ چیئرمین تحریک انصاف عمران خان کو منگل کے روز القادر ٹرسٹ کیس میں نیب نے گرفتار کر لیا ہے جس کے بعد پی ٹی آئی کارکنوں کی جانب سے ملک گیر احتجاج کیا گیا اور کچھ اہم عمارتوں پر بھی دھاوا بولا گیا ہے۔
تحریک انصاف کی جانب سے احتجاج کا سلسلہ دوسرے روز بھی جاری ہے۔