چیف جسٹس آف پاکستان کی جانب سے پاکستان تحریک انصاف (پی ٹی آئی) کے چیئرمین عمران خان کی رہائی کے احکامات کے بعد سماجی رابطے کی ویب سائٹس پر فیصلے پرتنقید اور حمایت کا سلسلہ شروع ہو گیا ہے۔
اس حوالے سے مسلم لیگ ن کی مرکزی راہنما مریم نواز نے سماجی رابطے کی ویب سائٹ ’ٹویٹر‘ پرچیف جسٹس کے فیصلے پر تنقید کرتے ہوئے لکھا ہے کہ: ’چیف جسٹس صاحب کو آج قومی خزانے کے 60 ارب ہڑپ کرنے والے وارداتیے کو مل کر بہت خوشی ہوئی اور اس سے بھی زیادہ خوشی انھیں اس مجرم کو رہا کر کے ہوئی‘۔
چیف جسٹس صاحب کو آج قومی خزانے کے 60 ارب ہڑپ کرنے والے وارداتیے کو مل کر بہت خوشی ہوئی اور اس سے بھی زیادہ خوشی انھیں اس مجرم کو رہا کر کے ہوئی۔ ملک کی اہم ترین اور حساس تنصیبات پر حملوں کے سب سے بڑے ذمہ دار چیف جسٹس ہیں جو ایک فتنہ کی ڈھال بنے ہوئے ہیں اور ملک میں لگی آگ پر تیل…
— Maryam Nawaz Sharif (@MaryamNSharif) May 11, 2023
مریم نواز نے مزید لکھا کہ’ ملک کی اہم ترین اور حساس تنصیبات پر حملوں کے سب سے بڑے ذمہ دار چیف جسٹس ہیں جو ایک فتنہ کی ڈھال بنے ہوئے ہیں اور ملک میں لگی آگ پر تیل چھڑک رہے ہیں۔ آپ چیف جسٹس کا منصب چھوڑ دیں اور اپنی ساس کی طرح تحریک انصاف میں شمولیت اختیار کریں‘۔
ادھر سماجی رابطے کی ویب سائٹ پر عمران خان کے سابق اہلیہ جمائما خان نے عمران خان کی رہائی پر مسرت کا اظہار کرتے ہوئے لکھا ہے کہ :’آخرعقل ٹھکانے آ گئی‘
جمائیا نے پاکستانی جھنڈے کے ساتھ ہاتھ جوڑے ’اموجی‘ بھی شیئر کی ہے جس کا مطلب ہے کہ وہ پاکستان کی اپوزیشن اور عمران خان کے مخالفین کو ہاتھ جوڑ کر کہی رہی ہیں ۔کہ اب عقل ٹھکانے آ گئی ہے لہٰذا واسطہ ہے اب یہ سب چھوڑدیں۔
Finally sense has prevailed 🙏🏼🇵🇰 pic.twitter.com/8K5IV1BgKt
— Jemima Goldsmith (@Jemima_Khan) May 11, 2023
اس کے علاوہ جمائما گولڈ اسمتھ نے ٹوئٹ کرتے ہوئے برطانیہ کے سرکاری نشریاتی ادارے بی بی سی کا ایک اسکرین شاٹ بھی شیئر کیا ۔ جس میں ’عمران خان کی ڈرامائی گرفتاری کو غیرقانونی‘ قرار دیے جانے کا ذکر تھا۔
سپریم کورٹ آف پاکستان نے تحریک انصاف کے سربراہ عمران خان کی گرفتاری کو غیرقانونی قرار دے کر رہائی کی ہدایت کی مگرساتھ ہی سرکاری تحویل میں پولیس لائنز میں رکھنے کا حکم بھی دیا تو ان کی سابقہ اہلیہ جمائمہ گولڈ اسمتھ نے اس پر ’بالآخر عقل ٹھکانے آ گئی‘ کا تبصرہ بھی کیا۔
جمائمہ گولڈ اسمتھ کی ٹویٹ کے بعد سامنے آنے والے ردعمل میں جہاں ’پی ٹی آئی‘ کے حامی ٹویٹس نے انہیں سراہا تو دیگر ان سے پوچھتے رہے کہ ’کس کی عقل ٹھکانے آئی۔‘
واضح رہے کہ چیف جسٹس آف پاکستان نے تحریک انصاف کے چیئرمین عمران خان کو عدالت میں طلب کر کے نا صرف ان کی رہائی کا حکم دیا بل کہ انھوں نے ریمارکس دئیے کہ آپ کو یہاں دیکھ کر دلی خوشی ہوئی۔
