خیبرپختونخوا کے وزیراعلیٰ علی امین گنڈا پور نے جرمنی کے سفیر کی ملاقات کے شیڈول سے متعلق اپنے پرسنل اسسٹنٹ (پی اے) کو جھاڑ پلادی۔
سامنے آنے والی آڈیو میں سنا جا سکتا ہے کہ پرسنل اسسٹنٹ وزیراعلیٰ کو یاد دلاتا ہے کہ ان کی میٹنگ کا وقت ہو چکا ہے، جس پر علی امین گنڈا پور سخت لہجے میں جواب دیتے ہیں کہ تمہارا کیا کام ہے؟ جرمن سفیر آیا ہے تو کیا ہوا، تم غلاموں کی طرح کیوں سوچتے ہو۔
وزیراعلی علی امین گنڈاپور نے جرمنی کے سفیر کیساتھ ملاقات کا پیغام دینے پر ترجمان کی بے عزتی کر دی۔
ترجمان: سر آپ کی میٹنگ کا وقت ہو چکا ہے ۔
علی امین گنڈاپور: تمہارا کیا کام ہے جرمن سفیر آیا ہے تو کیا ہوا؟تم بس غلاموں کی طرح سوچنا ،جرمن سفیر آگیا ہے تو پتہ نہیں کیا سوچتے ہو کہ… pic.twitter.com/Q07JD7krVR— WE News (@WENewsPk) September 2, 2025
علی امین گنڈا پور نے مزید کہاکہ سفیر آیا ہے تو اس کا یہ مطلب نہیں کہ میں فوراً بھاگ کر پہنچوں، ذہنی غلام ادھر بیٹھے ہیں، سفیر تھوڑا انتظار بھی کر سکتا ہے۔
اس مکالمے کے دوران وزیراعلیٰ کے سخت رویے پر پی اے شرمندہ ہو گئے، جبکہ علی امین گنڈا پور بعد ازاں پارٹی اور تحریک سے متعلق گفتگو کرتے رہے۔
