نیوزی لینڈ کے سابق کپتان اور مایہ ناز بلے باز راس ٹیلر کرکٹ سے ریٹائرمنٹ کے بعد ایک بار پھر میدان میں اترنے جا رہے ہیں۔
وہ آئندہ ماہ عمان میں ہونے والے ٹی ٹوئنٹی ورلڈ کپ 2026 کے ریجنل کوالیفائرز میں ساموا کی جانب سے کھیلیں گے۔
Will Ross Taylor and Samoa make it to next year's T20 World Cup? https://t.co/fiEaMcGmbc pic.twitter.com/1vlp7IKI4U
— ESPNcricinfo (@ESPNcricinfo) September 5, 2025
ٹیلر نے کہا کہ اپنی والدہ کے آبائی ملک اور اپنی ثقافت کی نمائندگی کرنا ان کے لیے بڑے اعزاز کی بات ہے۔
انہوں نے مزید کہا کہ وہ ہمیشہ پولینیشین کمیونٹی کو کچھ واپس دینا چاہتے تھے، لیکن کبھی نہیں سوچا تھا کہ یہ موقع بطور کھلاڑی ملے گا۔
41 سالہ راس ٹیلر 94 ٹی ٹوئنٹی اننگز میں نیوزی لینڈ کے لیے 1909 رنز بنا چکے ہیں اور اب بھی ملک کے پانچویں کامیاب ترین بلے باز ہیں۔
وہ آخری بار 2020 میں نیوزی لینڈ کے لیے ٹی ٹوئنٹی میچ کھیلے تھے، جبکہ 2023 میں بھارت میں لیجنڈز لیگ کرکٹ میں بھی شریک ہوئے۔
یہ بھی پڑھیں:سہ فریقی سیریز: پاکستان، یو اے ای کو پچھاڑ کر فائنل میں پہنچ گیا
ساموا کی 15 رکنی ٹیم کی قیادت کیلب جاسمات کر رہے ہیں۔ اسکواڈ میں 32 سالہ شان سولیا کو بھی شامل کیا گیا ہے، جو نیوزی لینڈ میں فرسٹ کلاس کرکٹ کھیل چکے ہیں۔
یہ پہلا موقع ہے کہ ساموا کسی بڑے ورلڈ کپ کوالیفائنگ ایونٹ میں حصہ لے رہا ہے۔
ٹیم کوالیفائر میں پاپوا نیوگنی، جاپان، عمان، نیپال، کویت، ملائشیا، قطر اور متحدہ عرب امارات جیسی ٹیموں کے خلاف میدان میں اترے گی۔
