پاکستان میں چاند گرہن کا سلسلہ جاری ہے اور یہ رواں سال ملک میں دوسرا موقع ہے جب چاند کو گرہن لگ رہا ہے۔
یہ بھی پڑھیں: آنے والے ‘بلڈ مون’ چاند گرہن کے بارے میں 7 عجیب و غریب حقائق کیا ہیں؟
محکمہ موسمیات نے بتایا کہ رات 9 بج کر 27 منٹ پر چاند گرہن کا عمل شروع ہوا، جبکہ مکمل چاند گرہن رات 10 بج کر 31 منٹ پر تھا۔
اسلام آباد میں چاند گرہن! pic.twitter.com/2EgeDU9c5q
— Maryam Nawaz Khan (@maryamnawazkhan) September 7, 2025
عروج پر یہ گرہن رات 11 بج کر 12 منٹ پر پہنچے گا اور مکمل چاند گرہن رات 11 بج کر 53 منٹ پر اختتام پذیر ہوگا۔
جزوی چاند گرہن رات 12 بج کر 57 منٹ پر ختم ہوگا اور رات ایک بج کر 55 منٹ پر چاند گرہن مکمل طور پر اختتام پذیر ہو جائے گا۔
محکمہ موسمیات کے مطابق یہ چاند گرہن یورپ، ایشیا، آسٹریلیا، افریقہ، شمالی اور جنوبی امریکا میں بھی دیکھا جا سکے گا۔
زمین کے سائے کے قریب سے گزرتے ہوئے یہ منظر دلکش اور حیرت انگیز ہوگا، جسے ’سپر بلڈ مون‘ کہا جاتا ہے۔ پاکستان میں بھی اس دوران مکمل سرخ چاند کا واضح نظارہ کیا جا سکے گا۔
ماہرین فلکیات کے مطابق جب سورج کی روشنی زمین کی سطح سے گزرتی ہے تو نیلی شعاعیں فلٹر ہو جاتی ہیں اور سرخ روشنی چاند تک پہنچتی ہے، جس سے چاند کا رنگ بدل کر سرخ ہو جاتا ہے۔ پورا چاند اس وقت سامنے آتا ہے جب زمین، سورج اور چاند ایک سیدھ میں آجائیں، اور اس دوران چاند مکمل طور پر روشن دکھائی دیتا ہے۔
یہ بھی پڑھیں: پاکستان کے افق پر ’گلابی چاند‘ بآسانی کب دیکھا جاسکے گا؟
فلکیاتی ماہرین کا کہنا ہے کہ پورے چاند کو قدیم زمانے سے کاشتکاری اور انسانی نیند کے اثرات سے بھی جوڑا جاتا ہے، جبکہ بہت سے کسان اسے بیج بونے کے لیے بہترین وقت تصور کرتے ہیں۔
