وزیراعلیٰ پنجاب مریم نواز شریف نے ملتان کے علاقے جلالپور پیروالا کا دورہ کرے کے سیلاب زدگان میں امدادی چیک تقسیم کیے ہیں۔
یہ بھی پڑھیں: وزیراعلیٰ مریم نواز کا ملتان اور جلال پور پیروالا کا فضائی دورہ، سیلابی صورتحال کا جائزہ
وزیراعلیٰ پنجاب مریم نواز نے جلالپور پیروالا کے سیلاب متاثرہ علاقوں کا دورہ کیا، جہاں انہوں نے متاثرین سے ملاقات کی، ان کے مسائل سنے اور حل کی یقین دہانی کروائی۔ اس موقع پر وزیراعلیٰ نے سیلاب زدگان میں امدادی چیک بھی تقسیم کیے۔
جلالپور پیر والا (ملتان) وزیراعلی پنجاب مریم نوازشریف کا فلڈ ریلیف کیمپ کا دورہ سیلاب متاثرین سے ملاقات، بچوں کو اپنے ہاتھوں سے کھانا ڈال ڈال کر دیا بچوں کے چہروں پر اعتماد اور خوشی دیکھی جاسکتی ہے pic.twitter.com/agAMhrxlav
— Safdar Leghari (@leghari_safdar) September 10, 2025
مریم نواز نے گفتگو کرتے ہوئے کہا کہ صوبے میں بڑے پیمانے پر سیلاب آیا ہے جس سے تباہی اور جانی و مالی نقصانات ہوئے ہیں۔ انہوں نے یقین دلایا کہ متاثرین کی ہر ممکن مدد کے لیے تمام وسائل بروئے کار لائے جا رہے ہیں۔
وزیر اعلیٰ مریم نواز شریف کی جلال پور پیر والا کے فلڈ ریلیف کیمپ کا دورہ، سیلاب متاثرین سے ملاقات https://t.co/fhGtm5hpNu
— PMLN (@pmln_org) September 10, 2025
ان کا کہنا تھا کہ پانی کی مکمل نکاسی تک انتظامیہ فیلڈ میں موجود رہے گی، جن لوگوں کے گھر اور مویشیوں کا نقصان ہوا ہے اس کا ازالہ کیا جائے گا۔
یہ بھی پڑھیں: وزیراعلیٰ مریم نواز کی ہدایت پر جلالپور پیروالا میں سیلاب متاثرین کی محفوظ مقامات پر منتقلی مکمل
وزیراعلیٰ پنجاب نے مزید کہا کہ متاثرہ علاقوں میں کشتیاں بھجوائی گئی ہیں، طبی سہولیات فراہم کی جا رہی ہیں اور ریسکیو ٹیمیں، کمشنرز اور ڈپٹی کمشنرز فیلڈ میں موجود ہیں۔ انہوں نے کہا کہ دکھ کی اس گھڑی میں حکومت اور انتظامیہ عوام کے ساتھ کھڑی ہے، انہوں نے کہا کہ پورے جلالپور میں 8کلومیٹر کا بند بنایا جائے گا تاکہ دوبارہ سیلاب سے کسی کا نقصان نہ ہو۔
CM Maryam Nawaz sat among the flood affectees, eating with them as one of their own.#MaryamWithFloodVictims pic.twitter.com/TWjgB18gQI
— PMLN (@pmln_org) September 10, 2025
اس موقع پر مریم نواز نے ریسکیو اور ریلیف سرگرمیوں کا جائزہ بھی لیا جبکہ متعلقہ حکام نے انہیں سیلاب کی مجموعی صورتحال اور جاری اقدامات پر بریفنگ دی، وزیراعلیٰ مریم نواز نے سیلاب زدگان کے ساتھ کھانا بھی کھایا۔
